Qisqa muddatli kredit

Ochiq/yopiq kredit liniyasi orqali aylanma mablag‘larni to‘ldirish maqsadida

Kimga to'g'ri keladi
Yuridik shaxs maqomidagi kichik va o‘rta biznes vakillariga
36 oygacha*
Foydalanish muddati
3 oygacha**
Imtiyozli muddat
UZS, USD, EUR, RUB
Kredit valyutasi
Chegaralanmagan***
Kredit summasi
Stavka****
Kredit bo‘yicha foiz stavkasi asosida o‘rnatiladi

Kreditni qanday olish mumkin:

O‘zingizga yaqin bo‘lgan Bank filialini tanlang va Bank mutaxassisi bilan uchrashuvni belgilang
Kerakli hujjatlar to‘plamini yig‘ing va Bank mutaxassisiga taqdim qiling
Kredit taqdim etish bo‘yicha qarorni kuting. Bankning ijobiy qarori chiqqanda, hujjatlarga imzo chekasiz va biz pullarni yetqazib beruvchi hisob raqamiga o‘tkazib beramiz

Kredit shartlari


Kredit maqsadi:

Ochiq/yopiq kredit liniyasi orqali aylanma mablag‘larni

to‘ldirish maqsadida;

Kredit valyutasi:

UZS, USD, EUR, RUB

Kredit summasi:***

Mijozlarning kredit qobiliyatiga asoslangan (O‘zsanoatqurilishbank” ATB tizimida risklarni boshqarish ishlarini tashkil etish Tartibiga asosan skoring tahlil tizimi bo‘yicha CС reytingdan past bo‘lmagan);

Foydalanish muddati:*

Xorijiy moliya institutlari mablag‘lari – moliya institutlari shartlariga asosan;

Boshqa manbalar mablag‘lari hisobidan – 12 oygacha/36 oy muddatgacha Bosh kelishuv imzolagan holda individual kredit shartnomalariga asosan 12 oygacha bo‘lgan muddatga jalb qilingan mablag‘lar shartlariga asosan;

Imtiyozli muddat:**

Xorijiy moliya institutlari mablag‘lari – moliya institutlari shartlariga asosan;

Boshqa manbalar mablag‘lari hisobidan - 3 oygacha yoki jalb qilingan mablag‘lar shartlariga asosan;

Moliyalashtirish manbai:

Xorijiy moliya institutlari va boshqa manbalar mablag‘lari hisobidan;

Kredit taqdim etish shakli:

Mahsulot yetkazib beruvchining hisobvarag‘iga pul o‘tkazish yo‘li orqali;

Foiz stavkasi:****

“O‘zsanoatqurilishbank” ATB tizimida yuridik shaxs va yakka tartibdagi tadbirkorlarga ajratiladigan kreditlar, faktoring va lizing amaliyotlari bo‘yicha foiz stavkalari”ga muvofiq belgilanadi yoki jalb qilingan mablag‘lar shartlariga asosan;

Foiz hisoblash shartlari:

Foizlar xorijiy moliya institutlari va boshqa manbalar mablag‘lar shartlariga asosan o‘zgarmas yoki o‘zgaruvchan stavkada hisoblanadi;

Samarali foiz stavkasi:

Kredit mahsuloti ajratilishida belgilangan foiz stavkasi va resurs mablag‘lari narhi o‘rtasidagi farq;

Asosiy qarz va foiz to‘lovlari to‘lash davri:

Xorijiy moliya institutlari mablag‘lari – moliya institutlari shartlariga asosan;

Boshqa manbalar mablag‘lari hisobidan:

Asosiy qarz – imtiyozli davrdan so‘ng har oyda yoki jalb qilingan mablag‘lar shartlariga asosan;

Foiz to‘lovi - har oyda yoki jalb qilingan mablag‘lar shartlariga asosan;

Mijozga qo‘yiladigan asosiy talablar

1. Moliyaviy natijalar to‘g‘risida xisobot (2-son shakl) ijobiy bo‘lishi;

2. O‘z mablag‘lari mavjudligi ko‘rsatkichlari ijobiy bo‘lishi;

3. Mavjud kredit va unga tenglashtirilgan operatsiyalar bo‘yicha muddati o‘tgan kredit qarzdorligi bo‘lmasligi;

4. Majburiyat bajarilishi ta'minoti sifatida qarz oluvchi tomonidan taqdim etilgan kafillik shartnomalari bo‘yicha muddati o‘tgan kredit qarzdorliklari mavjud bo‘lmasligi;

5. O‘zaro aloqador korxonalarining muddati o‘tgan kredit qarzdorliklari mavjud bo‘lmasligi;

6. Muddati o‘tgan va kartoteka-2 qarzdorligi mavjud bo‘lmasligi;

7. KATM ma'lumotnomasiga asosan barcha tijorat banklari oldida “qoniqarsiz”, “shubhali” va “umidsiz” toifalarida tasniflangan kreditlari mavjud bo‘lmasligi;

8. Asosiy hisob varag‘i mavjud bo‘lishi lozim. Ayrim hollarda, salohiyatli mijozlarni moliyaviy holati va kredit tarixini inobatga olib, ikkilamchi hisob varaq ochgan mijozlarga kredit ajratish mumkin.

 

Mahsulot bo‘yicha ta'minot:

Kredit summasining 125%dan kam bo‘lmagan miqdorda (Aloqador shaxslar uchun 130%);

Qabul qilinadigan mulkiy garov turlari va ushbu garov bo‘yicha qo‘yiladigan shartlar:

Bankning ichki me'yoriy hujjatlarida belgilangan talablar asosida ko‘chmas mulklar;

Avtotransport vositalari va maxsus texnikalar – ishlab chiqarilganiga 5 yildan oshmagan;

Uskunalar – ishlab chiqarilganiga 3 yildan oshmagan;

Nomulkiy ta'minot:

Yuridik shaxslar kafilligi va/yoki kredit qaytarilmaslik xatari sug‘urta polisi va/yoki Tadbirkorlik faoliyatini qo‘llab-quvvatlash davlat jamg‘armasi kafilligi va/yoki boshqa turdagi ta'minotlar;

Kredit yuklamasi 100%dan yuqori bo‘lgan tadbirkorlik sub'ektlariga kredit ajratilishida qo‘shimcha kredit ta'minoti sifatida tadbirkorlik sub'ektlarining ulushi 50%dan kam bo‘lmagan ta'sischilari (jismoniy shaxs/yuridik shaxs) kafilligi olinishi lozim. Kredit yuklamasi 100%gacha bo‘lgan tadbirkorlik sub'ektlariga mazkur talab tavsiyaviy xarakterga ega. (Xususiy korxona, fermer va dehqon xo‘jaliklari bundan mustasno).





Oxirgi yangilanish sanasi: 17.06.2021 17:48

PSB Mobile Business

PSB Mobile Business yuridik shaxslar va xususiy tadbirkorlik vakillari uchun bankning mobil ilovasi. Biznesni boshqarish uchun zarur bo‘lgan barchasi bir joyda