ESG-стратегия и устойчивое развитие | АКБ «Узпромстройбанк»

Kreditlash

Foydali stavkalar va moslashuvchan shartlar.

Loyiha qo‘llab-quvvatlovi

Barcha bosqichlarda ekspert yordami.

Yashil texnologiyalar

Biznes uchun ekologik yechimlar.

Energiyani tejash

Xarajatlarni optimallashtirish va ekologiya.

"Yashil" moliyalashtirish vositalari

Jismoniy shaxslar uchun kreditlar

Qayta tiklanuvchi energiya manbalarini o‘rnatish va ekouy xaridi uchun

Batafsil

Kichik va o‘rta biznes uchun kreditlar

Qayta tiklanuvchi energiya manbalari sohasidagi loyihalarni moliyalashtirish

Batafsil

Korporativ segment uchun

Ijtimoiy va ekologik mas’uliyatli loyihalarni kreditlash

Batafsil

Asosiy vazifalar
Green Banking

SQB ESG rivojlanish bosqichlari

2019

Ishga tushirilgan

Green Banking bo‘limi tashkil etilgan

2020

Normativ hujjatlar

ESG siyosati va protseduralari ishlab chiqilgan. Korporativ va chakana biznes uchun ekologik toza mahsulotlar ishlab chiqilgan

2021

"Yashil" mahsulotlar va e’tirof

РаYashil kreditlar portfeli shakllantirilgan. YeTTB TFP 2020 mukofoti: “Green Trade” qo‘lga kiritilgan

2022

So‘nggi yangiliklar

AIFC — 2020 yil yakunlariga ko‘ra eng yaxshi yashil bank. YeTTB TFP 2021 mukofoti “Green Trade”

2023

YeTTB mukofoti

“Yil bitimi – Yashil savdo” mukofoti energiya tejamkor texnologiyalarni joriy etishga ko‘maklashgani uchun berilgan

ESG nima?

E — Environmental

Ekologik mas’uliyat

SQB bankining ekologik strategiyasi uning barqaror rivojlanish va atrof-muhitni muhofaza qilish sohasidagi zamonaviy tendensiyalarga sodiqligini aks ettiradi.

Bank qayta tiklanuvchi energiya manbalaridan foydalanishni, energiya va resurslarni tejashni faol qo‘llab-quvvatlaydi hamda mamlakatdagi ekologik vaziyatni yaxshilashga qaratilgan “yashil” loyihalarni moliyalashtiradi.
Iqlim o‘zgarishi bilan bog‘liq muammolarni anglagan holda, SQB investitsion loyihalar bo‘yicha qarorlar qabul qilishda ekologik xatarlarni baholashni o‘z ichiga olgan mas’uliyatli moliyalashtirish tamoyillari va standartlarini shakllantiradi.
Strategiya doirasida Bank issiqxona gazlari chiqindilarini kamaytirish bo‘yicha harakatlar rejasini ishlab chiqadi, jumladan:
- kredit-investitsiya portfelining uglerod izini hisobga olish;
- bank faoliyatining iqlimga ta’sirini tahlil qilish.
Mijozlarga global iqlim o‘zgarishi sharoitlariga mos innovatsion loyihalarni qo‘llab-quvvatlashga qaratilgan moliyaviy mahsulot va xizmatlar taklif etiladi.

Ijtimoiy mas’uliyat

SQB jamiyat va hududlarning barqaror rivojlanishiga yo‘naltirilgan siyosatni izchil amalga oshirmoqda.

Bank sog‘liqni saqlash, ta’lim, madaniyat va shaharlarni ekologik obodonlashtirish sohalarida tizimli ijtimoiy va xayriya dasturlarini amalga oshiradi.
- sog‘liqni saqlash;
- ta’lim;
- madaniyat;
- shaharlarni ekologik obodonlashtirish.
SQBning asosiy ijtimoiy tashabbuslari quyidagilarni o‘z ichiga oladi:
- donorlik dasturlari;
- nogironligi bo‘lgan shaxslar, bolalar uylari, qariyalar uylari, onkologik bemorlar va hayvonlar boshpanalariga yordam;
- Book Challenge kabi xayriya aksiyalarida ishtirok etish;
- ta’lim tanlovlari va spartakiadalar o‘tkazish;
- Qoraqalpog‘iston Respublikasida quyosh panellari va geliy kollektorlarini o‘rnatish.
SQB xodimlar uchun xalqaro kadrlar boshqaruvi amaliyotlariga asoslangan holda optimal mehnat va rivojlanish sharoitlarini yaratadi.
Bank O‘zbekiston Respublikasi Mehnat kodeksiga qat’iy amal qiladi va quyidagilarni ta’minlaydi:
- adolatli kadrlar jarayonlari;
- gender tengligi;
- kasbiy o‘sish va malaka oshirish imkoniyatlari.
O‘zbekistonda iqlim moliyasining ekotizimini shakllantirishga xizmat qiluvchi “yashil” HUB doirasida SQB ekologik hamfikrlar va ekspertlarni barqaror bozor yechimlarini rivojlantirish uchun birlashtiradi.

Korporativ boshqaruv

SQB xalqaro shaffoflik, mas’uliyat va hisobdorlik standartlariga asoslangan korporativ boshqaruv tizimlarini takomillashtirishga intiladi.

Ichki normativ hujjatlarni doimiy yangilash va ularni xalqaro standartlarga moslashtirish ishlari olib boriladi.
Korporativ madaniyatga alohida e’tibor qaratilib, xodimlar, mijozlar va hamkorlar barqaror va etik biznes qadriyatlariga jalb qilinadi.
Har yili korporativ boshqaruv sifatini xalqaro konsalting kompaniyalari ishtirokida baholash amalga oshiriladi.
Quyidagilar yuqori darajada ta’minlanadi:
- axborot xavfsizligi;
- mijozlarning shaxsiy ma’lumotlarini himoya qilish;
- korrupsiya va moliyaviy jinoyatlarga qarshi kurash.
Bank tuzilmasida biznes jarayonlarini komplayens-nazorat qilish departamenti faoliyat yuritadi, u quyidagilar uchun mas’ul:
- korrupsiyaga qarshi siyosatni ishlab chiqish va unga rioya qilish;
- ichki va xalqaro me’yorlarga muvofiqlik monitoringi;
- bank operatsiyalarida qonuniylikni ta’minlash choralarini muvofiqlashtirish.
Maxsus sanksion komplayens bo‘limi mavjud bo‘lib, sanksiyalar to‘g‘risidagi qonunchilik va xalqaro tashkilotlar talablariga rioya qilinishini nazorat qiladi.
Shaffoflikni ta’minlash uchun xodimlar va tashqi murojaatchilar uchun anonim murojaat qilish imkoniyati mavjud bo‘lgan 24/7 komplayens ishonch telefoni ishlaydi.

ESG va barqaror
moliyalashtirish

Sayyora

Barcha mavjud resurslardan oqilona foydalanish va mas’uliyatli iste’molni qo‘llab-quvvatlash

Jamiyatlar

Mahalliy hamjamiyatlarni qo‘llab-quvvatlash, ijtimoiy investitsiyalar va xayriya dasturlarini kengaytirish

Salomatlik

Sog‘lom turmush tarzini va sifatli, foydali mahsulotlarning mavjudligini targ‘ib qilish

Xodimlar

Xodimlar uchun munosib mehnat sharoitlari va teng imkoniyatlarni ta’minlash

Ko‘p so‘raladigan savollar

Atrof-muhitga minimal ta’sir ko‘rsatadigan loyihalar.

An’anaviy ishlab chiqarish usullariga nisbatan ekologik jihatdan xavfsiz yoki kamroq zararli bo‘lgan texnologiyalar, ishlab chiqarish jarayonlari va yetkazib berish zanjirlari.

- Energiya tejash;
- Tannarxni kamaytirish;
- Chiqindilarni qayta ishlash;
- CO₂ chiqindilarini kamaytirish.

ESG (Environmental, Social, Governance) — bu biznesning barqaror rivojlanishini baholash tizimi. U uchta asosiy yo‘nalishni o‘z ichiga oladi:

Environmental (Ekologiya) – kompaniyaning tabiatga ta’siri (uglerod izi, chiqindilarni boshqarish, resurslardan foydalanish).
Social (Ijtimoiy mas’uliyat) – mehnat sharoitlari, inson huquqlari, mijozlarni himoya qilish, jamiyatga hissa qo‘shish.
Governance (Korporativ boshqaruv) – shaffoflik, etik tamoyillar, korrupsiyaga qarshi siyosat, boshqaruv tuzilmasi.