main-image
“Birinchi” kredit kartasi
50 000 000 so`mgacha limiti bilan
50 000 000 so'mgacha

kredit limiti

40 kungacha foizsiz

har qanday xarid uchun

0 so'm

kartani chiqarish va unga xizmat ko'rsatish

48 oy

kredit muddati

Kredit kartani ochish oson
  • Agar siz SQB mijozi bo'lsangiz
  • Agar siz hali SQB mijozi bo'lmasangiz (tez kunda)
1-qadam
Kredit karta ochish uchun JOYDA mobil ilovasida ariza to'ldiring, kerakli kredit miqdorini belgilang. Bank javobini kuting.
2-qadam
Kartani Toshkent shahri, Mirzo Ulug‘bek tumani, Mustaqillik shoh ko‘chasi, 5-uy manzilidagi bank ofisi kassasidan oling.
O'zingiz bilan pasportingizni olishni unutmang.
1-qadam
JOYDA mobil ilovasini o‘rnating, ilovaga o’z bankingizning ish haqi kartasini qo‘shing.
2-qadam
JOYDA mobil ilovamizda “Kreditlar” bo‘limida karta olishni rasmiylashtiring, kerakli kredit summasini va Sizga kartani olish qulay bo‘lgan filialni ko‘rsating.
3-qadam
Bankdan kartani oling va puldan zavq bilan foydalaning! (Pasportingizni o'zingiz bilan olib kelishni unutmang)
2 daqiqada arizani to'ldiring -
bor-yo’g’i telefoningiz orqali tizimga kiring
  • Tarifar va shartlar
  • Tavsif
  • Ta’minot
  • Qarz oluvchiga qo'yiladigan talablar

Bank karta turi

Milliy valyutadagi Visa Classic karta

Kartani chiqarish va unga xizmat ko’rsatish

Bepul

Kredit limiti

2 000 000 so'mdan 50 000 000 so'mgacha

Foiz stavkasi

26,9%. Bunda, kredit mablagʼlari tovar va xizmatlar sotib olish uchun foydalanilgan qismiga, keyingi oyning 10 sanasi (toʼlov kuni)ga qadar jami qarzdorliklar qaytarilgan taqdirda foizlar olinmaydi.

To'lov kuni

To'lov kuni Har oyning 10 sanasi

Har oylik foiz toʼlovi

Kalendar oyi yakuni boʼyicha hisoblanadigan va toʼlov kuniga qadar soʼndirilishi lozim foizlar

Har oylik asosiy qarz toʼlovi (minimal toʼlov)

Kredit qoldigʼining 10 foizi miqdorida, kalendar oy yakuni boʼyicha hisoblanadigan va toʼlov kuniga qadar soʼndirilishi lozim boʼlgan toʼlov. Eng kam minimal to‘lov miqdori xaridlar va naqdga tenglashtirilgan operatsiyalar bo’yicha 100 000 so’mdan (lekin mikroqarz qoldig‘idan ko‘p bo‘lmaydi)

Kredit muddati

48 oy. Bunda, kreditning oxirgi 12 oyi qarzdorlikni so’ndirish uchun ishlaydi

Kredit bank karta muddati

36 oy. 36 oydan so’ng qarzdorlikni so’ndirish uchun kirim amaliyotlarini bajarish mumkin

Bank bankomatlarida va kassalarida naqd pulni yechib olish

Komissiya toʼlovi operatsiyaning 2,9% miqdorida (bankomat/terminalga xizmat ko'rsatuvchi bank qo'shimcha vositachilik haqi olishi mumkin)

Kartadan kartaga/bank hisobvarag'iga/elektron hamyonga pul o'tkazish

Pul o'tkazma summasidan 2,9% miqdorida vositachilik haqi

Naqd pul olish va karta/hisobvaragʼ/hamyonga pul oʼtkazish limiti

Kredit limitining 70%idan koʼp boʼlmagan miqdorda

Chet elda savdo va xizmatlar uchun toʻlovlar

Chet elda savdo va xizmatlar uchun toʻlovlar 0,6 AQSh dollar (QQS bilan)

Kartani to'ldirish

Bepul

Yo'qolgan yoki o'g'irlangan holatida kartani bloklash

Bepul

Operatsiyalar haqida SMS-xabar berish Bepul

Bepul

Sanoatqurilishbankning Visa classic kredit kartasi bank mablag'lari hisobidan Visa to'lov tizimi ishlaydigan dunyoning istalgan nuqtasida tovarlar va xizmatlar uchun to'lovlarni amalga oshirish, naqd pul olishga imkon beradi. Bu sayohat vaqtida kredit kartani tengsiz yordamchiga aylantiradi.

Kredit karta asosan naqd pulsiz xaridlar uchun mo'ljallangan. Tovarlar/ishlar/xizmatlar uchun to'lov amalga oshirilganda va jami ishlatilgan kredit mablag’lari keyingi oyning 10-sanasigacha to'liq qaytarilsa, ushbu to'lovlar uchun 40 kungacha bo’lgan foizlar hisoblanmaydi.

Naqd pul olish, bank hisobvarag'lariga, elektron hamyonlarga va kartalarga (P2P) pul o'tkazish uchun 2,9% miqdorida komissiya olinadi.

Terminal va bankomatlarga xizmat ko'rsatadigan bank tariflariga asosan qo'shimcha komissiya olinishi mumkin. Naqd pul olish uchun O'zsanoatqurilishbank xalqaro kartalarga xizmat ko'rsatish bankomatlari va terminallaridan foydalanish tavsiya etiladi.

Kredit limiti tasdiqlangandan so'ng, kartani Toshkent shahri, Mirzo Ulug'bek tumani, Mustaqillik shoh ko'chasi, 5-uy manzilidagi Toshkent shahar mintaqaviy bank xizmatlar ofisi kassasidan olib ketish mumkin.

Kredit karta qarzini qanday to'lash mumkin
Kredit karta qarzni shakllantirish, foizlarni hisoblash va qarzni qaytarishning tartibi farq qiladi.

Qarzdorlik kredit kartaga JOYDA mobil ilovasi orqali boshqa kartadan pul o'tkazish va bank kassasi orqali to'ldirish yo'li bilan so'ndiriladi.
Kredit karta "qancha pul sarflagan bo'lsangiz, shuncha pul to'laysiz" tamoyili asosida ishlaydi. Foizlar faqat amalda sarflangan summa bo'yicha hisoblanadi. Xarajatlar bo'lmasa, qarz ham bo'lmaydi.
Oyning boshida (1-bank ish kuni) mijozga 10-sanagacha to'lashi kerak bo'lgan barcha qarzlar va o'tgan oy uchun oylik majburiy to'lov qoldig'i bilan SMS-xabar yuboriladi.
Xaridlar bo’yicha bank pullaridan foydalanganlik uchun foizlar, SMS-xabarda ko'rsatilgan muddatgacha va to'liq so'ndirilmagan taqdirda, qarzdorlik sifatida aks ettiriladi.
Agar “foizsiz davr” tugagan va qarzdorlik qolgan bo'lsa, har oylik hisoblangan foizlarni hisoblash va oylik majburiy to'lovlarni amalga oshirish rejimi boshlanadi.
Kreditdan farqli o'laroq, kartada aniq to'lov jadvali mavjud emas. Kechiktirilgan to'lovlarga yo'l qo'ymaslik uchun siz kartani kamida bir oylik majburiy to'lov miqdorida to'ldirishingiz kerak. Uni o'tkazib yubormaslik kerak, aks holda muddati o’tgan qarzdorlik yuzaga keladi va unga yuqori foiz hisoblanadi.
Oylik majburiy to'lov asosiy qarzdorlik miqdorining 10%i va shartnomada ko'rsatilgan stavkada hisoblangan foizlardan iborat bo'ladi.
Siz majburiy to'lovdan ko'proq miqdorda to'lashingiz mumkin. Qancha ko'p to'lasangiz, keyingi to'lov, kredit bo'yicha foizlar shunchalik kam bo'ladi.

Kredit kartaga mablag’lar kirim qilinganda qarzdorlik quyidagi tartibda so’ndiriladi 1. Yuqori foizlar
2. Muddatida toʼlanmagan foizlar
3. Muddatida toʼlanmagan minimal toʼlov (har oylik asosiy qarz to’lovi);
4. Аvvalgi oyda hisoblangan foizlar;
5. Minimal toʼlov (har oylik asosiy qarz toʼlovi);
6. Naqdga tenglashtirilgan amaliyotlar bo’yicha avvalgi oylarda yuzaga kelgan asosiy qarz;
7. Xaridlar bo’yicha avvalgi oylarda yuzaga kelgan asosiy qarz;
8. Hisoblangan foizlar;
9. Naqdga tenglashtirilgan amaliyotlar bo’yicha joriy oyda yuzaga kelgan asosiy qarz;
10. Xaridlar bo’yicha joriy oyda yuzaga kelgan asosiy qarz.
Ta’minot
Kreditni to'lamaslik xavfini sug'urtalash
polisi, onlayn tarzda rasmiylashtiriladi

Kredit ta’minoti sifatida Bank bilan ushbu kredit mahsulotini sug’urta qilish bo’yicha bosh kelishuv tuzgan sug’urta kompaniyalari kredit qaytmaslik (14-klass) xatari sug’urta polislari onlayn taklif etiladi. Bunda, sug’urta mukofoti mijoz tomonidan ilovaga ulangan Uzcard/Humo bank kartasi yordamida to’lanishi lozim.
Loyiha doirasida “SQB Insurance” SK AJ bilan bosh kelishuv tuzilgan bo’lib, sug’urta kompaniyasi tomonidan ushbu xizmat kredit limitining 3.9% miqdorida sug’urta mukofoti bilan taqdim qilinmoqda.
Kelajakda loyihaga moliyaviy barqaror boshqa sug’urta kompaniyalarini va kafilliklarni qo’shish bo’yicha ishlar olib borilmoqda.
Qarz oluvchi - kredit olish uchun ariza berilgan kuni 20 yoshga to‘lgan – 60 yoshdan katta bo‘lmagan O‘zbekiston Respublikasi rezidenti bo’lishi kerak;

- barcha kreditlar, kafilliklar bo’yicha majburiyatlar yuzasidan qarz yuki o'rtacha oylik daromadning 50 foizidan oshmasligi kerak;

- doimiy daromadlar, kamida oxirgi 6 oy davomida uzluksiz bo’lishi kerak;

- elektron skoring dasturidan maqullanishi lozim.

Oxirgi yangilanish sanasi: 15.12.2022 14:44  
Pulingizni JOYDA mobil ilovasi orqali oʻtkazing!

Boshqa banklarning HUMO va UZCARD kartalariga pul oʻtkazmalari uchun atigi 0,35% komissiya

SQB kartalari orasida - 0%!

playmarketappstore
up