Yangiliklar

Aziz hamkasblar, muhtaram yurtdoshlar, bankimiz qadrli mijozlari!

Cheksiz mamnuniyat va iftixor hissi bilan Siz azizlarni eng ulug‘ bayramimiz - Mustaqilligimizning 30 yilligi bilan chin qalbimdan, samimiy muborakbod etaman!

Ushbu bayram chindan ham davlatimiz qudratining, xalqimiz birligining ramzi hisoblanadi.

Mustaqillik yillarida biz nafaqat iqtisodiy o‘sishga, balki ilm-ma'rifat, bank-moliya, madaniyat, sport, san'at va boshqa ko‘plab sohalarda ulkan natijalarga erishdik.

Hurmatli Prezidentimiz tomonidan amalga oshirilayotgan islohotlar natijasida yurtimiz kundan-kun gullab, yashnamoqda. 

Bunday ijobiy natijalarga erishishda xalqimizga xos bo‘lgan hamjihatlik, jipslik, mehnatsevarlik, fidoyilik hamda davlatimiz ravnaqi va farovonligi yo‘lida sidqidildan ishlashga bo‘lgan ishtiyoq yordam bermoqda.

Bank xizmatlari sektorining yetakchilaridan biri bo‘lgan O‘zsanoatqurilishbankning 4000 nafar fidoyi xodimlari jipslashgan holda, xalqimizga yangi va yanada zamonaviy, xalqaro standartlarga mos xizmat ko‘rsatish, doimo ularning rozili yo‘lida ishlashni maqsad qilgan!

Biz har bir mijozimiz va xodimlarimizni yuksak qadrlaymiz!  Ularning farovon hayoti uchun barcha imkoniyatlarni ishga solamiz.

Qadrli mijozlar, aziz yurtdoshlar!

Barchangizga sihat-salomatlik, oilaviy baxt, tinchlik-xotirjamlik, hamjihatlik va farovonlik tilayman. Oliyjanob ishlaringiz va sa'y-harakatlaringiz jonajon O‘zbekistonimiz gullab-yashnashi yo‘lida xizmat qilaversin! 

Barchamizga istiqlolimizning 30 yillik ayyomi muborak bo‘lsin!

Hurmat bilan, 

Saxi Annaklichev 

«O‘zsanoatqurilishbank» ATB Boshqaruv Raisi

Вернуться назад

899

Другие новости