Yangiliklar

Kitob - sodiq do‘st va barkamollik sari yo‘lboshchi

Buyuk adabiyot namoyondalari kitobga tafakkurning tolmas qanoti, deb ta’rif berganlarida, u inson ma’naviy olamini boyitishini nazarda tutganlar. Kitob Vatanga muhabbat, yurtga sadoqat, odamlarga mehr-oqibat tuyg‘ularini kamol toptirishning eng yaxshi vositasi sifatida qadrlanadi.

Mamlakatimizda Prezident Shavkat Mirziyoyev rahnamoligida kitob mutolaasi va kitobxonlik madaniyatini oshirish hamda targ‘ibot qilish yo‘nalishida keng ko‘lamli islohotlar olib borilmoqda. Zero, “kitob bizni yerdan ko‘kka ko‘taradigan, barkamollik sari yetaklaydigan, qalbga yorug‘lik baxsh etadigan, oq bilan qora, yaxshilik bilan yomonlikni farqlashga o‘rgatadigan insoniyatning eng noyob kashfiyotidir”, deydi davlatimiz rahbari.

Bugungi kunda xalqimiz orasida kitobxonlik madaniyatini yuksaltirish, ayniqsa, yosh avlod tarbiyasida bebaho adabiy merosimizdan samarali foydalanish muhim voqelikka aylangan bir paytda O‘zsanoatqurilishbank rahbariyati ham ushbu xayrli ishlarga esh bo‘lmoqda.

Yaqinda Bank Boshqaruvi Raisi Aziz Voitov boshchiligida Sirdaryo tumanidagi ta’lim dargohiga turkum kitoblar tuhfa etilgan bo‘lsa, bugun 5 aprel kuni ushbu an’ana Toshkent shahri Sergeli tumanidagi 300-umumta’lim maktabida davom ettirildi.

O‘zsanoatqurilishbank Boshqaruvi Raisi o‘zi tahsil olgan mazkur maktabda o‘quvchilar bilan suhbatlashar ekan, kitob bilan do‘stlashib, kishi dunyoni anglashini, atrof-muhitdagi voqea-hodisalarga ongli yondashib, mustaqil hayotda to‘g‘ri yo‘l topgan holda baxtu saodatga erishishini ta’kidladi. “Abu Rayhon Beruniy, Abu Ali ibn Sino, Al-Xorazmiy, Amir Temur, Alisher Navoiy, Zahiriddin Muhammad Bobur kabi buyuk ajdodlarimiz ham aynan kitoblar mutolaasi bilan aqlu shuurini charxlab, komil inson bo‘lib yetishgan”, dedi Bank rahbari suhbat yakunida.

Bank Axborot xizmati

Вернуться назад

1832

Другие новости