Yangiliklar

    O‘zsanoatqurilishbank oziq-ovqat xavfsizligini ta'minlashda muhim omil bo‘luvchi agrosanoat majmuini faol qo‘llab-quvvatlamoqda. Bank tomonidan hukumat kafolati ostida meva-sabzavotchilik va chorvachilik yo‘nalishlariga doir umumiy qiymati 390,25 mln. AQSh dollarga teng 429 ta loyiha moliyalashtirishga yo‘naltirildi.

    Mamlakatimizda oziq-ovqat xavfsizligini mustahkamlash, xususan, aholining asosiy oziq-ovqat turlariga bo‘lgan ehtiyojini qondirish, zaxirasini yaratish hamda bu borada narx va sifat uyg‘unligini ta'minlash maqsadida keng ko‘lamli ishlar amalga oshirilmoqda.

Prezidentimiz tomonidan 2020 yil 1 mayda qabul qilingan “Koronavirus pandemiyasi davrida oziq-ovqat xavfsizligini ta'minlash, mavjud resurslardan oqilona foydalanish, qishloq xo‘jaligini davlat tomonidan qo‘llab-quvvatlashning qo‘shimcha chora-tadbirlari to‘g‘risida”gi qarordasohada zamonaviy yondashuvlarni joriy etishga qaratilgan qator vazifalar belgilab berildi.

    O‘zsanoatqurilishbank tizimida ushbuyo‘nalishdagi ishlar davlat dasturlari doirasida amalga oshirilmoqda.Bank tomonidan umumiy qiymati 390,25 mln. AQSh dollariga teng meva-sabzavotchilik va chorvachilik tarmog‘iga doir 429 ta loyiha moliyalashtirildi.Mazkur maqsadda esa Osiyo taraqqiyot banki, Xalqaro taraqqiyot uyushmasi, Xalqaro tiklanish va taraqqiyot banki, Yaponiya xalqaro hamkorlik agentligi kredit liniyalari jalb etildi.

    Ta'kidlash joiz, davlatimiz rahbarining yuqoridagiqaroriga asosan soha sub'ektlari uchun bank va soliq tizimida alohidapreferensiyalar berilmoqda. Jumladan, tijorat banklari tomonidan xorijiy kredit liniyalar 3 yildan 5 yilgacha bo‘lgan imtiyozli davr bilan 10 yilgacha muddatga ajratilmoqda. Qishloq xo‘jaligi tovar ishlab chiqaruvchilari o‘zi ishlab chiqargan mahsulotini realizasiya qilishdan olingan foydasi bo‘yicha foyda solig‘idan ozod qilingan, suv resurslardan, tomchilatib sug‘orish tizimidan foydalanganlik uchun qonunchilikda belgilangan tartibda imtiyozlar qayd etilgan.

    Davlat bojxona qo‘mitasi tomonidan pandemiya sharoitida mahsulotlarni yuklash, chegaradan o‘tkazishga ko‘maklashuvchi doimiy shtab tashkil etilgan. U yerda asosiy, bog‘ va tokzorlar qator oralariga hamda takroriy maydonlarga talab qilingan urug‘liklarni olib kelish hamda joylarga yetkazish choralari tezkor hal etilmoqda.

    Bundayengilliklar, o‘z navbatida, aholiga uzluksiz ravishda qishloq xo‘jaligi mahsulotlarini yetkazib berish hamda oziq-ovqat sanoatida narxlar barqarorligini ta'minlashda muhim omil bo‘lmoqda.

    Bugungi kunda Bank tomonidan birgina meva-sabzavotchilik tarmog‘idagi 196 ta loyihaga Osiyo taraqqiyot banki, Xalqaro tiklanish va taraqqiyot banki hamda Yaponiya xalqaro hamkorlik agentligi (JICA)ning 138,96 mln AQSh dollari miqdoridagi kredit liniyalari yo‘naltirilib, natijada 2425 ta ish o‘rni yaratildi.

    Chorvachilik tarmog‘ida esa 54 ta loyiha uchun Osiyo taraqqiyot banki va Xalqaro taraqqiyot uyushmasining 26,0 mln. AQSh dollarimiqdorida jalb qilingan kredit liniyalari hisobigachekka hududlarda 570dan ziyod ish o‘rni barpo etildi.

    Shuningdek, loyihalar orasida qishloq xo‘jaliginingana shu yo‘nalishida faoliyat yurituvchi yirik sanoat korxonalari hamda tadbirkorlik sub'ektlarining ishlab chiqarish quvvatlarini energiya tejamkor va ekologik barqaror texnologiyalar hisobiga modernizasiya qilishga qaratilgan biznes rejalar ham o‘rin olgan.

    Bunday loyihalar uchun bank tomonidan Xalqaro tiklanish va taraqqiyot banki hamda Xalqaro taraqqiyot uyushmasining 219,24 mln. AQSh dollari miqdoridagi, qishloq xo‘jaligi korxonalarini qo‘llab-quvvatlashga esa Xalqaro taraqqiyot uyushmasining 6,05 mln AQSh dollari hajmidagikredit liniyalari yana o‘nlab loyihalarni tatbiq etishga yo‘naltirildi.

    Pirovardida, ushbu loyihalarningishgatushishi hisobiga respublikamizda 4150ga yaqin yangi ish o‘rnibarpo etildi, 4,6 trillion so‘m miqdorida mahsulot ishlab chiqarildi.Aholini asosiy turdagi oziq-ovqat mahsulotlari bilan kafolatli ta'minlash, ichki iste'mol bozoriga mahsulot yetkazib berilishini tizimli tashkil etish va oziq-ovqat xavfsizligini mustahkamlashga yana bir qulay sharoit yaratildi.

                                                                                                                                    Bank Axborot xizmati