SQBda gender tenglik

“Yil ayoli” hamda “Gender tenglik faoli” milliy tanlovlari g‘oliblari aniqlandi

Joriy yilning 23-dekabr kuni O‘zbekiston Anjumanlar saroyida “Yil ayoli” hamda “Gender tenglik faoli” milliy tanlovlarining Respublika bosqichi g‘oliblarini taqdirlash marosimi bo‘lib o‘tdi.
Marosimni Oliy Majlis Senati Raisi Tanzila Narbayeva kirish so‘zi bilan ochib berdi.
Maʼlumot o‘rnida aytish lozim, «Yil ayoli» va «Gender tenglik faoli» milliy tanlovlari Oliy Majlis Senati Kengashining qaroriga asosan har yili anʼanaviy tarzda o‘tkazib kelinmoqda.
Keyingi yillarda mamlakatimizda barcha jabhalarda xotin-qizlarning faolligini oshirish, ularning taʼlim va kasbiy ko‘nikmalar olishi hamda bandligini taʼminlashga ko‘maklashish, tadbirkorlik va boshqa tashabbuslarini tashabbuslarini qo‘llab-quvvatlash, bir so‘z bilan aytganda, ayolning chinakam baxtli yashashi, intellektual va maʼnaviy yuksalishi, kasbiy, oilaviy va jamiyat hayotidagi majburiyatlarini hamohang tarzda bajarishi yo‘lida keng qamrovli davlat siyosati amalga oshirilmoqda.
Xotin-qizlarning muammolariga samarali yechim topish, masalaga kompleks yondashish bo‘yicha turli mexanizmlar joriy etilmoqda. Bu borada “2022-2026-yillarda xotin-qizlarning mamlakat iqtisodiy, siyosiy va ijtimoiy hayotining barcha jabhalarida faolligini oshirish bo‘yicha Milliy dasturi" ham muhim dasturilamal bo‘lib xizmat qilmoqda.
Taʼkidlanganidek, xotin-qizlarning ijtimoiy-siyosiy faolligini oshirish yo‘nalishida ulkan o‘zgarishlar yuz berdi. Jumladan, shahar va tuman hokimi, vazir, elchi kabi masʼuliyatli lavozimlarga ayollar tayinlandi. Ayollarning boshqaruv sohalaridagi ulushi 33 foizga, tadbirkorlik sohasida 35 foizga, siyosiy partiyalarda 44 foizga, oliy taʼlimda 47 foizga yetdi.
Ayollarning sohalardagi ulushi ham ortdi. Ular tibbiyot tizimida 77 foizdan ko‘proqni, taʼlim sohasida salkam 74 foiz, savdoda 49 foiz, iqtisodiyot tarmoqlari, sanoat va ishlab chiqarishda qariyb 46 foiz, madaniyat va sportda 45 foiz, qishloq xo‘jaligida 42 foizdan ziyodni, moliya va sug‘urta faoliyatida 37 foizdan ortiqni, axborot va aloqa xizmatida 35 foiz, professional, ilmiy va texnik faoliyatda qariyb 34 foizni, davlat boshqaruvi va mudofaa tizimida 27 foizdan ko‘proqni tashkil etmoqda.
Ijtimoiy, iqtisodiy va siyosiy sohalarda xotin-qizlar hamda erkaklar uchun teng huquq va imkoniyatlarni taʼminlash maqsadida mamlakatimizda qabul qilinayotgan har bir normativ-huquqiy hujjat loyihasini gender huquqiy ekspertizasidan o‘tkazish yo‘lga qo‘yildi. Davlatimizning xotin-qizlarni qo‘llab-quvvatlash, gender tenglikni taʼminlash borasidagi siyosati dunyo hamjamiyati tomonidan eʼtirof etilmoqda. Jumladan, Jahon bankining Ayollar, biznes va qonun indeksida O‘zbekiston xotin-qizlar huquqlari va gender tenglik bo‘yicha ahamiyatga molik islohotlarni amalga oshirgan davlatlar qatoriga kiritildi.
Aytish mumkinki, bugun bo‘lib o‘tgan tadbir ham mamlakatimizda amalga oshirilayotgan keng ko‘lamli islohotlarning amaliy natijalaridan biridir.
Tanlov nizomiga ko‘ra O‘zbekiston Respublikasi fuqarosi bo‘lgan
35 yoshdan yuqori hamda o‘z yo‘nalishi bo‘yicha faoliyat bilan kamida 5 yil mobaynida uzluksiz shug‘ullanib kelayotgan ayollar, shuningdek, uy bekalari tanlov ishtirokchilari hisoblanadi.
Tanlovning tuman bosqichlarida jami 3 202 nafar ayollar 3 ta shart asosida ishtirok etdi. Qoraqalpog‘iston Respublikasi, viloyatlar va Toshkent shahar bosqichlarida jami 1 356 nafar ayol qatnashdi. Respublika bosqichiga 11 ta nominatsiya bo‘yicha 144 ta hujjat taqdim etildi.
Tanlovning barcha bosqichlari Oliy Majlis Senati Kengashining “Yil ayoli” va “Gender tenglik faoli” milliy tanlovlarini o‘tkazish to‘g‘risida” 2022-yil 27-apreldagi KQ-340 – IV sonli qarori bilan tasdiqlangan Nizom talablariga muvofiq o‘tkazildi.
“Yil ayoli” tanlovining respublika bosqichida belgilangan 3 ta shart asosida ishtirokchilarning to‘plagan ballariga qarab, oliy o‘rin, 1, 2 va 3-o‘rin hamda belgilangan nominatsiyalar bo‘yicha g‘oliblar aniqlandi.

Zargul Ernazarova Noura SQB, [13.02.2024 10:49]
Xususan, tanlovning respublika bosqichida oliy o‘rin - Gran-pri hamda 1, 2 va 3-o‘rinni egallagan ishtirokchilar Oila va xotin-qizlarni qo‘llab-quvvatlash davlat maqsadli jamg‘armasi mablag‘lari hisobidan Prezident sovg‘asi - avtomobil bilan, qolgan g‘oliblar esa diplom va pul mukofoti bilan taqdirlandilar.
Bugun g‘oliblari taqdirlangan ikkinchi tanlov - “Gender tenglik faoli” milliy tanlovining tuman (shahar) bosqichlarida jami 1 073 ta idora, tashkilot va muasssalar belgilangan nominatsiyalar bo‘yicha ishtirok etdi.
Respublika bosqichida 7 ta nominatsiya bo‘yicha g‘oliblar taqdirlandi.

https://senat.uz/events/post-1661

Вернуться назад

621

Другие новости