Yangiliklar

“O‘zsanoatqurilishbank” ATB Boshqaruv Raisi Aziz Akbarjonovning O‘zbek tili bayrami munosabati bilan xalqimizga yo‘llagan tabrigi

21.10.2023 10:59


Muhtaram yurtdoshlar, aziz hamkorlar va hamkasblar! Bankimizning qadrli mijozlari!

Barchangizga bugungi qutlug‘ ayyom – O‘zbek tili bayrami muborak bo‘lsin!
Jonajon tilimiz asrlar davomida milliy madaniyatimiz, an’ana va qadriyatlarimiz davomiyligini saqlab kelmoqda. Bundan keyin ham muhtaram Prezidentimiz ta’kidlaganidek, yangi O‘zbekiston poydevorini barpo etishdek ezgu maqsadlarimizga erishishda, hech shubhasiz, ona tilimizning hayotbaxsh qudratiga tayanamiz.
Zero, bu til Beruniy, Ibn Sino, al-Xorazmiy, al-Farg‘oniy, Alisher Navoiy, Amir Temur, Mirzo Ulug‘bek, Bobur Mirzo singari buyuk siymolarni yetishtirdi. Ular tomonidan bitilgan ilmiy-ma’rifiy meros esa, butun dunyo ahlining qalbini zabt etdi, ulug‘ ishlar, kashfiyotlarning yuzaga kelishiga zamin bo‘ldi.
Quvonarlisi, bugungi kunda ham o‘zbek tili xalqaro minbarlarda baralla yangramoqda.

Azizlar!
Sizlarni yana bir bor O‘zbek tili bayrami bilan samimiy tabriklayman!
Tan-sihatlik, baxt-saodat, xonadoningizga tinchlik-xotirjamlik va fayzu baraka tilayman.
Ona tilimiz mangu yashasin!

Другие новости