1. Ustav fondi ta’sischilar tomonidan to‘liq shakllantirilgan bo‘lishi (so‘ralayotgan kredit miqdori 100 000,0 Aqsh dollari ekvivalentidan yuqori bo‘lgan hollarda);

2. Moliyaviy natijalar to‘g‘risida hisobot (2-son shakl) zarar bilan yakunlanmagan bo‘lishi;

3. O‘z aylanma mablag‘lari mavjudligi ko‘rsatkichlari ijobiy bo‘lishi;

4. Mavjud kredit va unga tenglashtirilgan operatsiyalar bo‘yicha muddati o‘tgan kredit qarzdorligi bo‘lmasligi;

5. O‘zaro aloqador korxonalarining “Oʻzsanoatqurilishbank” ATB tizimida muddati o‘tgan kredit qarzdorliklari mavjud bo‘lmasligi;

6. 2-sonli kartoteka qarzdorligi mavjud bo‘lmasligi;

7. KATM ma’lumotnomasiga asosan mijozning barcha tijorat banklari oldida hamda o‘zaro aloqador korxonalarining “Oʻzsanoatqurilishbank” ATB tizimida “qoniqarsiz”, “shubhali” va “umidsiz” toifalarida tasniflangan amaldagi kreditlari mavjud bo‘lmasligi;

8. Kreditlar bo‘yicha ohirgi 60 oy ichida:

- Kechiktirilgan to'lovlar keyingi oyga o'tishi(oydan oyga o'tishi) 20 tadan ko'p bo'lmasligi  
- 30+dan oshgan muddati o‘tgan qarzdorliklari 10 tadan ko‘p bo‘lmasligi;
- 60+dan oshgan muddati oʻtgan qarzdorliklari 2 tadan koʻp boʻlmasiligi;
- 90+dan oshgan muddati oʻtgan qarzdorliklarga umuman yoʻl qoʻyilmagan boʻlishi;

9. Oxirgi 12 oy ichida “Oʻzsanoatqurilishbank” ATB tizimida oydan oyga o‘tgan kredit bo‘yicha to‘lovlar 3 martadan ko‘p bo‘lmasligi;

10. “Oʻzsanoatqurilishbank” ATB tizimida bugungi kunda mavjud kreditlarining asosiy qarz bo‘yicha 3 tadan, foiz bo‘yicha 2 tadan ko‘p muddatini uzaytirish holatlari bo‘lmasligi hamda qayta ko‘rib chiqilgan hisobvaraqlarida qoldiq mavjud bo‘lmasligi;

11. “Oʻzsanoatqurilishbank” ATB tizimida bugungi kunda mavjud kreditlari yuzasidan kollegial organ tomonidan belgilangan shartlarini bajarmaslik holatlari mavjud bo‘lmasligi;

12. “Oʻzsanoatqurilishbank” ATB tizimida bugungi kunda mavjud kreditlari yuzasidan maqsadsiz ishlatilganlik holatlari mavjud bo‘lmasligi;

13. Qarz oluvchining Majburiy ijro byurosi tomonidan ochilgan ijro ishi bo‘yicha qarzdorligi bo‘lmasligi;

14. Oxirgi 3 yil davomida kredit xizmatlarini ko‘rsatish bo‘yicha iqtisodiy sudiga da’vo arizalari berilgan bo‘lib, da’vo qisman yoki to‘liq qanoatlantirilgan taqdirda ariza ko‘rib chiqilishi va rad etilishi mumkin.

15.So'nggi 12 oy davomida ta'sischilar tarkibi o'zgarmagan bo'lishi lozim.

1. Ariza;

2. Qarz oluvchi korxona ta’sischilarining amaldagi qonun hujjatlarida belgilangan tartibda rasmiylashtirilgan kredit olish yuzasidan roziligi (Xususiy korxonalar va YaTTlar bundan mustasno);

3. Yakka tartibdagi tadbirkor guvohnomasi va pasport nusxasi;

4. Qarz oluvchi korxonaning oxirgi hisobot davri va so‘ngi choraklik buxgalteriya balanslari, moliyaviy natijalar to‘g‘risida hisobotlari;

5. Boshqa banklardagi hisobvaraq aylanmasi to‘g‘risida ma’lumot;

6. Garov ob’ekti bo‘yicha mustaqil baholovchi tashkilot hisobotlari (kredit mahsulotining 26-bandida ko‘rsatilgan holatlarda);

7. Garov ob’ekti ko‘chmas mulk bo‘lgan taqdirda kadastr hujjati;

8. Garov ob’ekti avtotransport vositalari va maxsus texnikalar bo‘lgan taqdirda ro‘yxatdan o‘tkazilganligi to‘g‘risidagi guvohnoma (texnik pasport, texnik talon);

9. Mulkni garovga beruvchi uchinchi shaxs (korxona) ta’sischilarining kredit ta’minoti sifatida mulkni garovga berish yuzasidan roziligi;

10. Mulkni garovga beruvchi uchinchi shaxs korxonaning ta’sis xujjatlari (agar korxonaga boshqa bank tomonidan xizmat ko‘rsatilsa);

11. Mulkni garovga beruvchi uchinchi jismoniy shaxs pasport nusxasi, uchinchi yuridik shaxs korxona direktori va bosh buxgalterining (mavjud bo‘lsa) pasport nusxasi (agar korxonaga boshqa bank tomonidan xizmat ko‘rsatilsa);

12. Faoliyat joyi bilan bog‘liq kadastr yoki e-ijara orqali tasdiqlangan ijara shartnomasi (so‘ralayotgan kredit miqdori 100 000,0 Aqsh dollari ekvivalentidan yuqori bo‘lgan hollarda).