"Restrukturizatsiya" mahsuloti

Maqsad:

SQBda ilgari ajratilgan kredit bo‘yicha oylik kredit yukini kamaytirish hamda to‘lovlarni mijozning joriy moliyaviy imkoniyatlariga moslashtirish.

Nimalarni o‘zgartirish mumkin:

• kreditni so‘ndirish jadvalini;
• oylik to‘lov sanasini;
• oraliq yoki yakuniy to‘lov muddatlarini;
• birgalikda qarz oluvchini (rasmiy daromad mavjud bo‘lsa).

Kredit summasi o‘zgartirilmaydi.

Valyuta:

milliy valyuta (so‘m).

To‘lov sanasi:

Oylik to‘lov sanasi quyidagi tartibda o‘zgartirilishi mumkin:

• bitta kredit doirasida bir marta;
• bir kalendar oyi doirasida;
• 20-sanadan kechiktirmasdan.

Kredit muddati:

Yakuniy to‘lov muddatini uzaytirishga quyidagi hollarda ruxsat etiladi:

• faqat bola parvarishlash ta’tilida bo‘lgan ayollar uchun;
• 2 yilgacha;
• tasdiqlovchi hujjatlar mavjud bo‘lganda;
• mazkur kredit bo‘yicha bir martadan ko‘p bo‘lmagan holda.

To‘lov usuli:

Restrukturizatsiya doirasida kreditni so‘ndirish usulini o‘zgartirishga ruxsat etiladi:

• annuitet;
• differensial.

Ta’minot:

• ta’minot amalda qoladi va dastlabki shartnoma shartlariga mos bo‘ladi;
• kredit muddati uzaytirilganda garov, kafillik va sug‘urta shartnomalari avtomatik ravishda uzaytiriladi;
• garov mulki but bo‘lishi hamda xatlov yoki cheklov ostida bo‘lmasligi lozim.

Cheklovlar:

Restrukturizatsiya quyidagi kreditlarga tatbiq etilmaydi:

• kredit kartalari;
• overdraft;
• imtiyozli kreditlar;
• jalb qilingan resurslar hisobidan ajratilgan kreditlar.

Istisno: yuqoridagi kreditlar bo‘yicha to‘lov sanasi va to‘lov usulini (annuitet / differensial) o‘zgartirishga ruxsat etiladi.