SQB Toshkent shahar bank xizmatlari ofisiga kichik mijoz menejeri lavozimiga tashqi tanlov asosida nomzodlarni taklif qiladi

03.08.2026 17:42

Jismoniy shaxslarga bank mahsulotlari bo‘yicha professional xizmat ko‘rsatish, kredit mahsulotlarini targ‘ib qilish va mijozlar bilan samarali ishlashga tayyor mutaxassislarni jamoamizga taklif qilamiz.

Asosiy vazifalar:
• Jismoniy shaxslarga bankning kredit mahsulotlari va boshqa chakana bank xizmatlari bo‘yicha to‘liq ma’lumot taqdim etish.
• Mijozlarning kreditga bo‘lgan ehtiyojini aniqlash va ularga mos kredit mahsulotlarini taklif etish.
• Kredit olish uchun taqdim etilgan hujjatlarni qabul qilish, tekshirish va bankning ichki me’yoriy hujjatlariga muvofiq rasmiylashtirish.
• Kredit arizalarini bankning axborot tizimlariga kiritish hamda kredit ajratish jarayonini belgilangan tartibda amalga oshirish.
• Kredit shartnomalarini rasmiylashtirish, mijozlarga kredit shartlari, to‘lov jadvali va majburiyatlari bo‘yicha tushuntirish berish.
• Ajratilgan kreditlar bo‘yicha hujjatlar yig‘ma jildini shakllantirish, yuritish va saqlash.
• Mijozlarning murojaatlari, taklif va e’tirozlarini o‘z vaqtida ko‘rib chiqish hamda yuqori sifatli xizmat ko‘rsatishni ta’minlash.
• Bankning chakana kredit mahsulotlarini targ‘ib qilish, yangi mijozlarni jalb etish va belgilangan KPI ko‘rsatkichlariga erishish.
• Bankning ichki me’yoriy hujjatlari, amaldagi qonunchilik hamda bank siri bilan bog‘liq talablarga qat’iy rioya qilish.
• Rahbariyat tomonidan berilgan topshiriqlarni o‘z vaqtida va sifatli bajarish.

Talablar:
• Oliy ma’lumot.
• Kamida 1 yillik ish tajribasi.
• Bankning chakana mahsulotlari va kreditlash jarayonlari bo‘yicha bilim.
• Mijozlar bilan ishlash va muzokaralar olib borish ko‘nikmalari.
• O‘zbek va rus tillarini bilish.

Rezyumelarni: hr@sqb.uz manziliga yuborishingiz mumkin.