Biznes rivoji yo‘lidagi takliflar muhokama markazida

Davlatimiz rahbarining tadbirkorlar bilan ochiq muloqotining yuksak saviyada o‘tkazilishi uchun Oʻzsanoatqurilishbank rahbariyati tomonidan izchil ishlar olib borilmoqda. Bu gal SQB rahbariyati Sirdaryo viloyati tadbirkorlari bilan uchrashdi.

Muloqotda hududdagi biznes vakillarining taklif va tashabbuslari eshitildi. Ularni qiynayotgan masalalar muhokama qilindi. Murojaatlar yuzasidan amaliy yechimlar ishlab chiqish bo‘yicha mas’ullarga tegishli topshiriqlar berildi.

Uchrashuv davomida tadbirkorlikni qo‘llab-quvvatlash, yangi investitsiya loyihalarini jadallashtirish hamda biznes uchun yaratilayotgan imkoniyatlardan samarali foydalanish masalalariga alohida e’tibor qaratildi.

Bunday uchrashuvlar tadbirkorlar bilan ochiq muloqotni kuchaytirish va ularning takliflarini amaliyotga tatbiq etishga xizmat qiladi.

Go back

37