"Milliy liboslar kuni” – milliy qadriyatlarga ehtirom!

05.09.2025 17:06


O‘zsanoatqurilishbankda milliy qadriyatlarni ardoqlash, an’analarimizni keng targ‘ib etish maqsadida an’anaviy tarzda “Milliy liboslar kuni” o‘tkazilib kelmoqda.

Navbatdagi tadbir Rakat bank xizmatlari markazida tashkil etildi. Tadbir doirasida markaz xodimlari o‘zbek xalqining ma’naviy merosi – milliy matolardan tayyorlangan liboslarda mehmonlarni va mijozlarni tabassum bilan kutib oldi.

Milliy libos – bu nafaqat kiyim, balki bir xalqning ruhi, tarixi va madaniyatini ifodalovchi timsoldir. Bank xodimlarining ushbu liboslardagi ko‘rinishi mijozlarda katta qiziqish va ijobiy kayfiyat uyg‘otdi.

Ta’kidlash lozimki, bu kabi tadbirlar jamoada milliy o‘zlikni anglash, faxr tuyg‘usini kuchaytirish va aholi o‘rtasida milliy qadriyatlarga bo‘lgan munosabatni mustahkamlashda muhim ahamiyat kasb etadi.

#SQBdaMilliyLiboslarKuni
#MilliyLibosMillatQiyofasi
#BankYoshlariMilliylikniSevadi
#YangiRuhiyat
#IjtimoiyFaol

Other news