Yangi ishga qabul qilingan xodimlarning korrupsiyaga qarshi bilim va ko‘nikmalarini oshirish

 2026-yilning birinchi yarim yilligi davomida Bankka yangi ishga qabul qilingan xodimlarning huquqiy ongi va huquqiy madaniyatini yuksaltirish, shuningdek, ularning korrupsiyaga qarshi kurashish sohasidagi bilim va ko‘nikmalarini shakllantirish hamda rivojlantirishga alohida e’tibor qaratildi.

Mazkur yo‘nalishda yangi ishga qabul qilingan xodimlarga korrupsiyaning oldini olish, korrupsiyaga oid huquqbuzarliklarga yo‘l qo‘ymaslik, manfaatlar to‘qnashuvini aniqlash va uni belgilangan tartibda boshqarish, xodimlarning korrupsiyaviy xatti-harakatlarga nisbatan murosasiz munosabatini shakllantirish hamda korrupsiyaga qarshi kurashish bo‘yicha ichki talab va tartib-taomillarni tushuntirishga qaratilgan o‘quv-ma’rifiy tadbirlar tashkil etildi.

Hisobot davrida jami 213 nafar yangi ishga qabul qilingan xodim korrupsiyaga qarshi kurashish yo‘nalishidagi o‘quv va ma’rifiy tadbirlarga jalb qilinib, ularning mazkur sohadagi huquqiy bilimi, xabardorligi hamda amaliy ko‘nikmalari oshirildi.

O‘tkazilgan tadbirlar natijasida yangi ishga qabul qilingan xodimlarda korrupsiyaning oldini olish, manfaatlar to‘qnashuvini o‘z vaqtida aniqlash va tegishli tartibda xabar berish, xizmat vazifalarini halollik va xolislik tamoyillari asosida bajarish hamda korrupsiyaviy xavf-xatarlarga nisbatan murosasiz munosabatni shakllantirishga qaratilgan zarur bilim va ko‘nikmalar mustahkamlandi.

Go back

119