Ma'naviy yuksalish

Maqsad – milliy qadriyatlarimizni ommalashtirish

O‘zsanoatqurilishbank tizimida haftaning har jumasi “Milliy liboslar kuni” etib belgilandi.

– Yurtimiz milliy liboslarga boy, har bir hududning o‘z tarixi va an’analari aks etgan milliy liboslari mavjud, – deydi Xodimlar va tashkiliy rivojlantirish departamenti direktori o‘rinbosari Muhabbat G‘ofurova. – Samarqand, Buxoro, Farg‘ona, Marg‘ilon, Toshkent, Qashqadaryo-Surxondaryo, Xorazm-Qoraqalpoq kabi alohida maktablarga ega nafis do‘ppilar, rang-barang kashta va naqshlarga ega matolar, adras va atlaslarimiz bugun nafaqat milliy, balki jahon madaniy meroslari sirasiga kiradi. Bank tizimida “Milliy liboslar kuni”ni joriy etib, milliy qadriyatlarimizni ommalashtirishga hissa qo‘shishni maqsad qildik.

Shunday qilib, haftaning har juma kuni bank xodimlari ishga milliy liboslarimizda tashrif buyurmoqda.

Ushbu tashabbus, ayniqsa, xizmat ko‘rsatuvchi bank tarmoqlariga o‘zgacha shukuh bag‘ishlab, mijozlar ruhiyatini oshirishga xizmat qilmoqda.

Bank axborot xizmati

Вернуться назад

1389

Другие новости