EKSPORTNI RAG'BATLANTIRISH krediti

1. Qarz oluvchi korxonaning mavjud ishchilar soni 6 nafardan kam bo‘lmasligi lozim (O‘zbekiston Respublikasi Kambag‘allikni qisqartirish va bandlik vazirligining https://my.mehnat.uz saytidan olingan ma’lumotlar asosida biznes menejer tomonidan tekshiriladi).

2. Ustav fondi to‘liq shakllantirilgan bo‘lishi lozim (qonunchilikda belgilangan holatlar bundan mustasno).

3. Kamida 12 oy davomida faoliyat yuritayotgan bo‘lishi lozim (davlat ro‘yxatidan o‘tgan kundan boshlab hisoblanadi).

4. Qarz oluvchi kredit yuklamasi 50%dan oshmasligi. Agar kredit yuklamasi 50%dan yuqori bo‘lsa, kredit ta’minoti sifatida yuridik shaxs kafilligi talab etiladi.

   — Davlat ro‘yxatidan o‘tgan muddati 6 oydan kam bo‘lmasligi.
   — Moliyaviy natijalar to‘g‘risida hisobot (2-son shakl) ijobiy yakunlangan bo‘lishi.
   — O‘z aylanma mablag‘lari mavjudligi ijobiy ko‘rsatkichda bo‘lishi.
   — Kafil korxonalar soni 2 tadan ko‘p bo‘lmasligi.

   Qo‘shimcha talablar:
   — Qarz oluvchi va kafil korxona(lar)ning birgalikdagi kredit yuklamasi 50%dan oshmasligi.
   — Kafillik summasi so‘ralayotgan kreditning 125%dan kam bo‘lmasligi (2 ta kafil bo‘lsa, har biri 125%).

5. Moliyaviy natijalar to‘g‘risida hisobot (2-son shakl) ijobiy yakunlangan bo‘lishi.

6. O‘z aylanma mablag‘lari mavjudligi ijobiy ko‘rsatkichda bo‘lishi.

7. Mavjud kredit va unga tenglashtirilgan operatsiyalar bo‘yicha muddati o‘tgan kredit qarzdorligi bo‘lmasligi.

8. O‘zaro aloqador korxonalarining “O‘zsanoatqurilishbank” ATB tizimida muddati o‘tgan kredit qarzdorliklari bo‘lmasligi.

9. 2-sonli kartoteka hisobvarag‘ida qarzdorlik mavjud bo‘lmasligi (agar ma’lumotnoma boshqa bank tomonidan taqdim etilgan bo‘lsa — 30 kun amal qiladi).

10. KATM ma’lumotnomasiga asosan qarz oluvchining barcha tijorat banklari oldida va o‘zaro aloqador korxonalarining “O‘zsanoatqurilishbank” ATB tizimida “qoniqarsiz”, “shubhali” yoki “umidsiz” toifalarda tasniflangan kreditlari mavjud bo‘lmasligi.

11. Oxirgi 60 oy ichida muddati o‘tgan kredit qarzdorliklari quyidagicha bo‘lishi lozim:
   — 31–60 kunlik muddati o‘tgan qarzdorliklar 10 tadan ko‘p bo‘lmasligi;
   — 61–90 kunlik muddati o‘tgan qarzdorliklar 3 tadan ko‘p bo‘lmasligi;
   — 90 kundan oshgan muddati o‘tgan qarzdorliklar mavjud bo‘lmasligi;
   — sud jarayonidagi kredit qarzdorliklariga yo‘l qo‘yilmasligi;
   — balansdan tashqari (spisanniy) kredit qarzdorliklari mavjud bo‘lmasligi.

12. Oxirgi 12 oy ichida bank tizimida to‘lov jadvalidan o‘tish holatlari 3 martadan ko‘p bo‘lmasligi.

13. Amaldagi kreditlar bo‘yicha asosiy qarz yoki foiz to‘lovlari bo‘yicha muddat uzaytirish holatlari 3 tadan ko‘p bo‘lmasligi.

14. Shartlari qayta ko‘rib chiqilgan yoki muddati uzaytirilgan kreditlar bo‘yicha hisobvaraq qoldig‘i mavjud bo‘lmasligi.

15. “O‘zsanoatqurilishbank” ATB tizimida muddati uzaytirilgan foiz qarzdorliklari qoldig‘i mavjud bo‘lmasligi.

16. Kollegial organ tomonidan belgilangan shartlarning bajarmaslik holatlari mavjud bo‘lmasligi (kechiktirib bajarilgan holatlar ham inobatga olinadi).

17. Korxona ta’sischisi va/yoki direktorining “O‘zsanoatqurilishbank” ATB tizimida (kafillik taqdim etayotgan ta’sischilarning barcha banklarda) jismoniy shaxs sifatida muddati o‘tgan kreditlari mavjud bo‘lmasligi.

18. Quyidagi shaxslarning Majburiy ijro byurosi tomonidan ochilgan ijro ishi bo‘yicha qarzdorliklari mavjud bo‘lmasligi:
   — qarz oluvchi;
   — qarz oluvchi korxona ta’sischisi rahbar/ta’sischi bo‘lgan korxonalar;
   — qarz oluvchi korxona rahbari ta’sischi/rahbar bo‘lgan korxonalar;
   — qarz oluvchi korxona ta’sischilari/rahbarlari.

19. Oxirgi 3 yilda kredit xizmatlari bo‘yicha mijozga nisbatan iqtisodiy sudda da’vo arizalari mavjud bo‘lgan va ular qanoatlantirilgan bo‘lsa — ariza ko‘rib chiqilmaydi (yuridik shaxs maqomiga ega bo‘lmagan tadbirkorlar va mulk garovi bilan ta’minlangan holatlar bundan mustasno).

20. Amaldagi kreditlar bo‘yicha maqsadsiz ishlatilganlik holatlari mavjud bo‘lmasligi (biznes menejer kredit monitoringi xulosasi asosida tekshiradi).

21. Qarz oluvchi tomonidan taqdim etilgan shartnomalar bo‘yicha mahsulot yetkazib beruvchi korxonaning faoliyati, sud ishlari, MIBdagi holatlari biznes menejer tomonidan o‘rganilishi va xulosada aks ettirilishi lozim.

22. Qarz oluvchining mahsulot yetkazib beruvchi bilan tuzilgan shartnomalari bo‘yicha TSOYAEAT tizimida muddati o‘tgan debitorlik qarzdorliklari mavjud bo‘lmasligi lozim.

23. Qarz oluvchining eksport shartnomalari bo‘yicha TSOYAEAT tizimida muddati o‘tgan debitorlik qarzdorliklari mavjud bo‘lmasligi lozim.