SQB va tadbirkorlar: Har bir murojaat e’tiborda

Davlatimiz rahbarining tadbirkorlar bilan oʻtkaziladigan navbatdagi ochiq muloqotiga tayyorgarlik ishlari doirasida Oʻzsanoatqurilishbank tomonidan hududlarda tadbirkorlar bilan bevosita uchrashuvlar davom ettirilmoqda.

Navbatdagi uchrashuvda Bank rahbariyati Fargʻona viloyatining Qoʻqon shahri hamda Qoʻshtepa tumanida faoliyat yuritayotgan tadbirkorlar bilan muloqot oʻtkazdi.

Uchrashuv davomida tadbirkorlarning faoliyatini yanada kengaytirishga toʻsqinlik qilayotgan masalalar tinglanib, ularni bartaraf etish, moliyaviy qoʻllab-quvvatlash mexanizmlaridan samarali foydalanish hamda har bir murojaat yuzasidan aniq yechimlar ishlab chiqish masalalariga alohida eʼtibor qaratildi.

Bank mutasaddilari tomonidan tadbirkorlarning murojaatlari yuzasidan tegishli tavsiyalar berilib, istiqbolli loyihalarni qoʻllab-quvvatlash va amaliy yordam koʻrsatish boʻyicha zarur choralar belgilandi.

Go back

296