SQB Mobile ilovasida mikroqarz

- Kredit rasmiylashtirish uchun quyidagilarni bajaring:

• SQB Mobile mobil ilovasini yuklab oling va o‘rnating;
• Ro‘yxatdan o‘ting hamda shaxsingizni identifikatsiyadan o‘tkazing;
• Mavjud kredit mahsulotini tanlang;
• Kreditlash shartlari bilan tanishing va arizani to‘ldiring;
• Arizani ko‘rib chiqish uchun yuboring.

Qaror qabul qilingandan so‘ng bank sizni natija haqida ilova orqali xabardor qiladi.

- Ha, chunki mikroqarz pullari ushbu kartaga o‘tkaziladi. Siz HUMO yoki UZCARD kartasini bankning istalgan bo‘limida ochishingiz yoki SQB Mobile ilovasi orqali virtual kartani rasmiylashtirishingiz mumkin.

- Ariza rasmiylashtirilayotganda muntazam foydalanadigan bank kartangizni ko‘rsating. Arizani baholash uchun zarur bo‘lgan qo‘shimcha ma’lumotlar bank tomonidan amaldagi tartibda mavjud axborot manbalaridan olinadi.

- Mikroqarz miqdori ish haqi kartangizning skoringi asosida aniqlanadi va 100 million so‘mdan oshmaydi.

Ha. Agar sizning rasmiy ish joyingiz bo‘lmasa, biroq tasdiqlangan daromadingiz mavjud bo‘lsa, Bankning o‘zini o‘zi band qilgan mijozlar uchun ham mo‘ljallangan kredit mahsulotiga ariza topshirishingiz mumkin. Qaror mahsulot talablari va shartlariga muvofiqlik asosida qabul qilinadi.

- SQB Mobileda kredit olish uchun hech qanday hujjat talab qilinmaydi. So‘nggi 6 oy ichida ish haqi kartasi va rasmiy ish bilan ta'minlangan bo‘lishi kerak.

- Yo‘q. Arizani tasdiqlash uchun so‘nggi 6 oy ichida rasmiy daromad talab qilinadi.

- Verifikatsiya — bu mijozning shaxsiy ma’lumotlari va shaxsini qonunchilik hamda bankning ichki tartib-taomillarida nazarda tutilgan usullar orqali tasdiqlash jarayonidir.

- Bu savolga bir ma’noli javob berish qiyin. Ehtimol, siz kredit olish uchun belgilangan bir yoki bir nechta majburiy talablarga mos kelmagansiz.

Mumkin bo‘lgan sabablar:

• oxirgi 6 oy davomida barqaror daromad mavjud emasligi;
• past kredit reytingi;
• arizada to‘liq bo‘lmagan yoki noto‘g‘ri ma’lumotlar kiritilgani;
• yosh yoki fuqarolik bo‘yicha talablarga mos kelmaslik;
• yuqori kredit yuklamasi.

- Ariza ma’qullanib, barcha zarur shartlar bajarilgandan so‘ng mablag‘lar, odatda, bir necha daqiqa ichida kartaga o‘tkaziladi. Ayrim hollarda mablag‘larni o‘tkazish muddati operatsiyalarni qayta ishlashning texnologik jarayonlariga bog‘liq bo‘lishi mumkin.

“Ochiq liniyali mikroqarz” mahsuloti Bank ofisida rasmiylashtirilganda sug‘urta majburiy shart hisoblanmaydi. Mijoz ta’minot turlaridan birini — sug‘urta, garov yoki kafillikni tanlash huquqiga ega.

Mikroqarz to‘liq onlayn tarzda, jumladan SQB Mobile ilovasi orqali rasmiylashtirilganda sug‘urta kredit olishning majburiy sharti hisoblanadi.

Sug‘urtalash mijoz tanloviga ko‘ra SQB Insurance yoki Infinity Insurance sug‘urta kompaniyasi orqali amalga oshiriladi. Sug‘urta mukofoti kredit mablag‘lari hisobidan to‘lanadi va kredit hisobvarag‘idan yechib olinadi.

Kredit karta mahsulotini rasmiylashtirishda ham sug‘urta majburiy hisoblanadi. Sug‘urtalash SQB Insurance sug‘urta kompaniyasi orqali amalga oshiriladi, sug‘urta mukofoti esa mijozning o‘z mablag‘lari hisobidan to‘lanadi.

Mazkur mahsulotlar bo‘yicha Bankning rasmiy veb-saytida joylashtirilgan tegishli ommaviy ofertalar amal qiladi.

Kredit muddatidan oldin to‘liq so‘ndirilganda sug‘urta kompaniyasi foydalanilmagan sug‘urta davri uchun sug‘urta mukofotining tegishli qismini qaytaradi.

Sug‘urta mukofotini qaytarish uchun:

1. SQB bank xizmatlari markazi yoki ofisiga murojaat qilib, kredit muddatidan oldin to‘liq so‘ndirilganligini tasdiqlovchi ma’lumotnomani olish;
2. Bank tomonidan berilgan ma’lumotnoma va sug‘urta kompaniyasi talab qiladigan boshqa zarur hujjatlarni tayyorlash;
3. Sug‘urta rasmiylashtirilgan sug‘urta kompaniyasiga sug‘urta mukofotini qaytarish to‘g‘risidagi arizani bevosita taqdim etish lozim.