“Yashil makon” – farovon hayot poydevori

O‘zsanoatqurilishbank tomonidan Qoraqalpog‘iston Respublikasining Chimboy, Mo‘ynoq va Qo‘ng‘irot hamda Surxondaryo viloyatining Uzun va Denov tumanlariga 2930dan ziyod turli daraxt ko‘chatlari ekildi, 26 400 ta mevali daraxt ko‘chati esa, aholi xonadonlariga yetkazib berildi.

So‘nggi yillarda Prezidentimiz tashabbusi bilan yo‘lga qo‘yilgan “Yashil makon” umummilliy loyihasi va “Kambag‘allikdan farovonlik sari” dasturi ekologik barqarorlikni ta’minlash, atrof-muhitni muhofaza qilish va aholi turmush tarzini yaxshilash borasidagi islohotlarning asosiy yo‘nalishlaridan biriga aylandi.

Aytish joizki, O‘zsanoatqurilishbank ham yurtimizda yashil maydonlarni kengaytirib, ekologiya sohasidagi faoliyatini faol davom ettirmoqda.

Xususan, joriy yilning mart oyida “Yashil makon” umummilliy loyihasi doirasida Qoraqalpog‘istonning Chimboy, Mo‘ynoq va Qo‘ng‘irot hamda Surxondaryo viloyatining Uzun va Denov tumanlarini ko‘kalamzorlashtirish maqsadida 2930dan ziyod turli daraxt ko‘chatlari qadaldi. 1427 ta kambag‘al oilaga 26,4 ming tub mevali daraxt ko‘chati yetkazib berildi.

Shuningdek, ushbu tumanlardagi ko‘chalar, bog‘cha, maktab, mahalla guzarlari hamda kam ta’minlangan aholi xonadonlarida keng ko‘lamli obodonlashtirish ishlari olib borildi. Bank xodimlari va ko‘ngillilardan iborat 245 ming nafar fuqaro ishtirokidagi hashar davomida 75 ming tub turli daraxt ko‘chatlari ekildi. 210 ta qabriston obod qilindi, 2599 ta ko‘chadagi chiqindilar olindi, 225 km. hajmdagi lotoklar tozalanib, 31 km.ga teng lotoklar betonlandi.

Bundan tashqari, bank tomonidan ushbu hududlardagi og‘ir mahallalarning sug‘orish tizimini yaxshilash bo‘yicha qiymati 50,9 mlrd. so‘mlik 31 ta loyiha shakllantirildi.

Shu yilning 1-aprel holatiga ko‘ra, mazkur loyihalarning 7 tasida qurilish ishlari yakunlangan bo‘lsa, qolgan loyihalar bo‘yicha qurilish ishlari jadallik bilan olib borilmoqda.

Bank axborot ximati

Go back

1451