Yangiliklar

Joriy yilning 26-iyul kuni SQB FUTSAL jamoasi Toshkent shahridagi “Moliya” sport majmuasida qo‘shni Tojikiston Respublikasining Xo‘jand shahridan tashrif buyurgan FC SIPAR jamoasiga qarshi do‘stona uchrashuv o‘tkazdi.

Mavsum oldidan o‘tkazilgan mazkur o‘rtoqlik o‘yini har ikki jamoa uchun ham tajriba almashish, tayyorgarlik va o‘zaro hamkorlikni mustahkamlashga xizmat qildi.

Qizg‘in va murosasiz kechgan uchrashuv 2:1 hisobida SQB FUTSAL jamoasining g‘alabasi bilan yakunlandi.

SQB FUTSAL jamoasi FC SIPAR klubiga tashrifi va ko‘rsatgan chiroyli o‘yini uchun samimiy minnatdorlik bildiradi hamda yangi mavsumda Tojikiston chempionatida muvaffaqiyat va yuqori natijalar tilab qoladi.