Aniqlangan qonunbuzilishlar va ko‘rilgan choralar

Fuqaro murojaatiga asosan Bosh bank xodimiga nisbatan xizmat tekshiruvi o’tkazilganida quyidagi holatlar aniqlandi.

Bosh bank xodimi fuqaroga bankdan boshlang‘ich to‘lovsiz 2 ta avtokredit rasmiylashtirib berishni va’da qilib, undan jami 10 000 (o‘n ming) AQSh dollari miqdorida pul olganligi ma’lum bo‘ldi.

Mart oyida mazkur holat yuzasidan ish beruvchining buyrug‘iga asosan xizmat tekshiruvi o‘tkazildi. Tekshiruv yakunlariga ko‘ra, xodim I.N.ga nisbatan mehnat shartnomasini bekor qilish tarzida intizomiy jazo chorasi qo‘llanildi.

Shuningdek, xizmat tekshiruvi natijalari bo‘yicha to‘plangan materiallar aniqlangan holatlarga huquqiy baho berish uchun Toshkent shahar prokuraturasiga yuborildi.

Fuqarolar va mijozlardan korrupsiyaviy holatlar yoki boshqa qonunbuzilishlar haqida ma’lumotlarga ega bo‘lgan taqdirda, bankning korrupsiyaga qarshi kurashishga mo‘ljallangan ishonch liniyalariga murojaat qilishlari so‘raladi.

Go back

52