Aniqlangan qonunbuzilishlar va ko‘rilgan choralar (2026-yil yanvar)

Bankning korrupsiyaga qarshi kurashish xizmati tomonidan bank xizmatlarini ko‘rsatishda qonunbuzilish holatlarini tezkor o‘rganish va monitoring qilish davomida quyidagi holatlar aniqlangan.

Aniqlanishicha, Qoraqalpog‘iston Respublikasi BXO biznes menejerlar guruhi tarkibida faoliyat olib boruvchi 2 nafar xodim mijozlarga kredit mablag‘lari ajratish jarayonida, mijozlarning faoliyat joyi mavjud bo‘lmagan bo‘lsa-da, ularning faoliyat turi va joyi o‘rganilmasdan hamda monitoring qilinmasdan ijobiy xulosa bergan.

Mazkur holat yuzasidan xizmat tekshiruvi o‘tkazilib, uning yakuniga ko‘ra xodimlar (J.B va S.A)ga nisbatan mehnat shartnomasini bekor qilish tarzida intizomiy jazo chorasi qo‘llanilgan.

Xizmat tekshiruvi natijalariga ko‘ra to‘plangan materiallar aniqlangan holatlarga huquqiy baho berish uchun Qoraqalpog‘iston Respublikasi prokuraturasiga taqdim etilgan.

Agar fuqarolar va mijozlarda korrupsion omillar yoki qonunbuzilish holatlari yuzasidan ma’lumotlar mavjud bo‘lsa, Bankning korrupsiyaga qarshi kurashish bo‘yicha ishonch liniyalariga murojaat qilishlari so‘raladi.

Go back

172