Vaqtincha mehnatga layoqatsizlik nafaqalarini to‘lashning yangi tartibi

Hurmatli mijozlar!

Vaqtincha mehnatga layoqatsizlik nafaqalarini to‘lashning yangi tartibi to‘g‘risida xabardorligingizni oshirish maqsadida shuni ma’lum qilamizki, 2026-yil 1-iyuldan boshlab ushbu nafaqalar avtomatik tarzda tayinlanadi:

• vaqtincha mehnatga layoqatsizlik davrining dastlabki 5 kuni ish beruvchi tomonidan to‘lanadi;
• 6-kundan boshlab to‘lov Davlat ijtimoiy sug‘urta jamg‘armasi tomonidan amalga oshiriladi.

Elektron mehnatga layoqatsizlik varaqasini rasmiylashtirish uchun shifokorga murojaat qiling. Ariza berish yoki qo‘shimcha hujjatlarni taqdim etish talab etilmaydi.

Ma’lumotlar tekshirilgandan so‘ng sizga nafaqa tayinlanganligi, uning miqdori va to‘lov muddati haqida SMS-xabarnoma yuboriladi.

Nafaqa ijtimoiy yoki bank kartangizga o‘tkaziladi. Agar kartangiz mavjud bo‘lmasa, tizim avtomatik ravishda virtual ijtimoiy karta ochadi.

Muhim

Kamida 6 oylik sug‘urta stajiga ega bo‘lgan sug‘urtalangan shaxslar nafaqa olish huquqiga ega. Nafaqa miqdori o‘rtacha ish haqi va sug‘urta staji hisobga olingan holda avtomatik tarzda hisoblanadi.

E’tibor bering: nafaqani tayinlash va uning miqdorini belgilash to‘g‘risidagi qaror Davlat ijtimoiy sug‘urta jamg‘armasi tomonidan qabul qilinadi, bank esa tayinlangan mablag‘ni kartaga o‘tkazadi.

Batafsil ma’lumot — 1070 raqami orqali.

Go back

50