Mikro va kichik biznes bo‘yicha anderrayting xizmati menejeri

Asosiy vazifalari:

• Bank filiallaridan kelib tushgan mikro va kichik biznes mijozlarining kredit arizalarini ko‘rib chiqish va tahlil qilish;
• Qarz oluvchilarning kreditga layoqatliligini kompleks baholash hamda kredit risklarini tahlil qilish;
• Berilgan vakolatlar doirasida kredit arizalari bo‘yicha qarorlar qabul qilish;
• Vakolat doirasidan tashqaridagi kredit arizalari bo‘yicha materiallarni Bankning kollegial organlariga ko‘rib chiqish uchun tayyorlash;
• Qabul qilingan qarorlarni rasmiylashtirish hamda ularni bank ofislari va bank xizmatlari markazlariga o‘z vaqtida yetkazilishini ta’minlash;
• Ichki me’yoriy hujjatlarni tahlil qilish va kreditlash jarayonlarini takomillashtirish bo‘yicha takliflar ishlab chiqish;
• Bankning tarkibiy bo‘linmalaridan kelib tushgan xizmat hujjatlari va murojaatlarni ko‘rib chiqish;
• Bankning ichki reglamentlari, ijro intizomi va korporativ standartlariga rioya qilish.

Talablar:

• Iqtisodiyot, moliya yoki bank ishi yo‘nalishlari bo‘yicha oliy ma’lumot;
• Bank tizimida kamida 1 yillik ish tajribasi;
• Kredit tahlili, qarz oluvchilarning moliyaviy holatini baholash va kredit risklarini boshqarish bo‘yicha bilimga ega bo‘lish;
• O‘zbekiston Respublikasi Markaziy bankining me’yoriy hujjatlari hamda Bankning ichki me’yoriy hujjatlarini bilish;
• Analitik fikrlash, tafsilotlarga e’tibor va asoslangan qarorlar qabul qilish qobiliyati;
• Microsoft Office dasturlarini, ayniqsa Excel dasturini yaxshi bilish.

Biz taklif qilamiz:

• O‘zbekistonning yetakchi banklaridan birida ishlash imkoniyati;
• Kasbiy va martaba o‘sishi uchun keng imkoniyatlar;
• Korporativ o‘quv dasturlari va rivojlanish loyihalarida ishtirok etish;
• Raqobatbardosh ish haqi;
• Zamonaviy ofis va professional jamoada ishlash imkoniyati.

Nomzodlar uchun

Agar Siz mazkur lavozim talablariga mos kelsangiz va SQB jamoasining bir qismi bo‘lishni istasangiz, rezyumeingizni hr@sqb.uz elektron pochta manziliga yuborishingizni so‘raymiz.

Go back

31