SQB tomonidan tadbirkorlar bilan ochiq muloqotlar davom etmoqda

23.05.2026 12:17


Prezidentimizning tadbirkorlar bilan navbatdagi ochiq muloqotiga tayyorgarlik doirasida Oʻzsanoatqurilishbank tomonidan hududlarda biznes vakillari bilan uchrashuvlar tashkil etilmoqda.

Navbatdagi ochiq muloqotlar Xorazm viloyatining Urganch va Shovot tumanlarida oʻtkazilib, unda tadbirkorlarni qiynayotgan masalalar, moliyaviy qoʻllab-quvvatlash mexanizmlari hamda biznesni rivojlantirish imkoniyatlari muhokama qilindi.

Uchrashuvlar davomida tadbirkorlarning murojaat va takliflari oʻrganilib, mavjud muammolar yuzasidan amaliy tushuntirishlar berildi.