Davlat dasturlari ijrosi

Sariosiyoda kichik sanoat zonasi ishga tushiriladi


21.11.2022

Oʻzsanoatqurilishbank tomonidan Surxondaryo viloyatida barpo etilayotgan “Sariosiyo” qurilish materiallari industrial zonasida tadbirkorlarga “sanoat ipotekasi” dasturi asosida kredit ajratiladi.

Prezidentimiz raisligida joriy yilning 7-noyabr kuni mahalliy sanoatni rivojlantirish masalalari boʻyicha oʻtkazilgan videoselektor yigʻilishida qurilish materiallari ishlab chiqarish tarmogʻida korxonalarni qoʻllab-quvvatlashga qaratilgan “sanoat ipotekasi” dasturini ishlab chiqish tashabbusi ilgari surildi. Bunga birinchi bosqichda 50 million dollar yoʻnaltirilishi, kreditlar 7 yillik, 2 yil imtiyozli davr bilan berilishi belgilandi.

Oʻzsanoatqurilishbank huzuridagi “PSB Capital” investitsiya kompaniyasi ishtirokida qurilayotgan “Sariosiyo” qurilish materiallari industrial zonasidagi inshootlar ham tadbirkorlarga “sanoat ipotekasi” dasturi asosida taqdim etiladi.

Shu maqsadda qiymati 3,9 mln. dollarlik (bank krediti – 2,5 mln. doll., tashabbuskorlar mablagʻi – 1,4 mln. doll.) 8 ta loyiha shakllantirilgan.

Ayni paytda sanoat zonasida muhandislik-kommunikatsiya ishlari yakunlanish arafasida turibdi. Yil oxiriga qadar ishga tushirilgach, u yerda temir-beton, lak boʻyoqlari, penablok, sendvich panel, quruq qorishmalar, polietilen quvur mahsulotlari va boshqa turdagi qurilish materiallari ishlab chiqarish yoʻlga qoʻyiladi.

Natijada 120 ga yaqin yangi ish oʻrni yaratiladi.

https://www.youtube.com/watch?v=NYLR-5jMYm4&feature=youtu.be

Qurilish materiallari ishlab chiqarishni

rivojlantirish departamenti direktori v.v.b

Sh.Halilov.





Другие новости

06.03.2024 14:17:11
Qaror ijrosi doirasida

O'zsanoatqurilishbank Axborot xizmati yangi loyihani e'tiboringizga havola etadi. Unda hududlarda amalga oshirilishi rej ...

15.02.2024 18:13:24
O‘zbekiston-Ozarbayjon hamkorligidagi investitsiya loyihalari muhokama qilindi

“O‘zsanoatqurilishmateriallari” uyushmasida Ozarbayjon-O‘zbekiston investitsiya kompaniyasi bosh direktori Nazim G ...

22.01.2024 17:06:12
Qurilish materiallari sanoati: mas’ullik, harakat va natija

Qurilish materiallari sanoati: mas’ullik, harakat va natija O‘zsano ...


Дата последнего обновления: 21.11.2022 18:48  
up