Davlat dasturlari ijrosi

Tadbirkorlar bilan manfaatli uchrashuv

Oʻzsanoatqurilishbank tomonidan Toshkent shahrida tadbirkorlar bilan uchrashuv tashkil etildi. Unda ellikka yaqin ishbilarmon doiralar vakillari qatnashdi.

Davlatimiz rahbari tomonidan oʻtgan yil 22-avgust kuni tadbirkorlar bilan oʻtkazilgan ochiq muloqotdan soʻng soha subektlarini qoʻllab-quvvatlashga qaratilgan manzilli ishlar belgilandi.

Oʻzsanoatqurilishbank tizimida ushbu vazifalar ijrosi doirasida hududlarda tadbirkorlar bilan uchrashuvlar tashkil qilinib, ularga sohaga oid islohotlar mazmun-mohiyati, biznes yuritishning huquqiy va moliyaviy-iqtisodiy asoslari, shuningdek, bank xizmat va mahsulotlari boʻyicha koʻnikmalar berib kelinmoqda.

Uchrashuvda, shuningdek, Prezidentimizning joriy yil 16-fevraldagi “2023-yilda qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari toʻgʻrisida”gi qarori ahamiyati haqida ham soʻz yuritildi.

Tadbirkorlarga bank tomonidan taklif etilayotgan “yashil” kreditlar boʻyicha maʼlumot berildi.

Tadbir tafsilotlari bilan quyidagi havola orqali tanishish mumkin: https://www.youtube.com/watch?v=c6DizpeGNIQ

Bank Axborot xizmati

Вернуться назад

573

Другие новости