Davlat dasturlari ijrosi

Tadbirkorlar oʻrtasida “yashil energiya” samaradorligi targʻib qilinmoqda


14.04.2023

 Tadbirkorlar oʻrtasida “yashil energiya” samaradorligi targʻib qilinmoqda

Oʻzsanoatqurilishbank tomonidan Andijon, Namangan va Toshkent viloyatlarida tadbirkorlar bilan uchrashuvlar tashkil etildi. Unda ishbilarmonlarga muqobil energiya manbalaridan foydalanish samaradorligi xususida tushuncha va takliflar berildi.

Mamlakatimizda davlatimiz rahbarining “2023-yilda qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari toʻgʻrisida”gi qarori asosida ijtimoiy va uy-joy kommunal xizmat koʻrsatish sohalarida hamda iqtisodiyot tarmoqlarida quyosh panellarini oʻrnatish va shu orqali energiya taqchilligi qoplanishini taʼminlashga qaratilgan tizimli ishlar yoʻlga qoʻyildi. “Yashil energiya”ni joriy etishni targʻib qilish saʼy-harakatlari manzilli ishlab chiqildi.

Bu borada mutasaddilar qatori Oʻzsanoatqurilishbank tomonidan ham alohida chora-tadbirlar amalga oshirilmoqda.

Andijon, Namangan va Toshkent viloyatlarida tadbirkorlar bilan oʻtkazilgan muloqotda qayta tiklanuvchi energiya manbalaridan foydalanishning ijtimoiy-iqtisodiy ahamiyati haqida soʻz yuritildi.

Byudjetni tejash hamda ekologiyani asrashda erishiladigan natijalar turli tarmoqlar misolida tushuntirib oʻtildi. “Yashil” kreditlar boʻyicha taqdimot namoyish etildi.

Qayd etish joiz, mazkur kreditlar past foizli va uzoq muddatlidir. Ulardan korxona va muassasalar binolariga, turar-joy hamda yer uchastkalariga quyosh panellarini oʻrnatish, ishlab chiqarish va xizmat koʻrsatish obyektlariga energiya tejamkor texnologiya va uskunalarni xarid qilishda foydalanish mumkin.

 

Bank Axborot xizmati





Другие новости

15.02.2024 18:13:24
O‘zbekiston-Ozarbayjon hamkorligidagi investitsiya loyihalari muhokama qilindi

“O‘zsanoatqurilishmateriallari” uyushmasida Ozarbayjon-O‘zbekiston investitsiya kompaniyasi bosh direktori Nazim G ...

22.01.2024 17:06:12
Qurilish materiallari sanoati: mas’ullik, harakat va natija

Qurilish materiallari sanoati: mas’ullik, harakat va natija O‘zsano ...

22.01.2024 17:03:12
Tadbirkorlarga hududlar salohiyatidan kelib chiqib yangi loyihalar taklif etilmoqda

Oʻzsanoatqurilishbank tomonidan qoraqalpogʻistonlik va xorazmlik tadbirkorlar bilan tashkil etilgan uchrashuvla ...


Дата последнего обновления: 14.04.2023 15:24  
up