Tadbirlar

O‘zsanoatqurilishbankning korrupsiyaga qarshi kurashish bo‘yicha tashqi audit natijalari ijobiy

Joriy yilning 9-12-iyul kunlari O‘zsanoatqurilishbankning korrupsiyaga qarshi kurashish menejment tizimi samaradorligi va xalqaro ISO 37001:2016 standart talablariga muvofiqligi bo‘yicha II Kuzatuv audit tekshiruvi o‘tkazildi. Natijada tizim faoliyati samaradorligi yuqori deb baholandi.

O‘zsanoatkurilishbank tizimida Prezidentimizning 2022-yil 12-yanvardagi “Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari to‘g‘risida”gi qaroriga asosan korrupsiyaga qarshi kurashish xalqaro standartlar doirasida yo‘lga qo‘yilgan.

Xususan, xorijiy ekspertlar bilan hamkorlikda xalqaro standartlar asosida ishlaydigan anti-korrupsion tizim joriy qilingan. Korrupsiya xavf-xatarlari baholanib, bu borada tizimli ishlar yo‘lga qo‘yilgan.

Tahlil jarayonlari “Cert International” – xalqaro sertifikatlash tashkiloti auditorlari tomonidan Bosh bank, Toshkent shahri hamda Sirdaryo viloyati mintaqaviy bank xizmatlari ofislari faoliyati misolida o‘rganildi.

Audit natijalariga asosan bank tizimida korrupsiyaga karshi kurashish borasida nomuvofiqliklar aniqlanmay, uning ISO 37001:2016 xalqaro sertifikatiga munosibligi yana bir bor tasdiqlandi.

Bank Axborot xizmati

Вернуться назад

1682

Другие новости