Davlat dasturlari ijrosi

Avstriya kompaniyasi tomonidan Samarqandda yirik loyiha amalga oshiriladi

Joriy yilning 27-28-aprel kunlari poytaxtimizda boʻlib oʻtgan ikkinchi Toshkent xalqaro investitsiya forumi doirasida koʻplab sohalar qatorida qurilish materiallari yoʻnalishida ham xalqaro kelishuvlar imzolandi.

Xususan, “Oʻzsanoatqurilishmateriallari” uyushmasi va Avstriyaning “LASSELSBERGER GROUP” kompaniyasi oʻrtasida keramik plita, quruq qurilish qorishmalari va mikrokalsit ishlab chiqarish loyihasini amalga oshirish boʻyicha anglashuv memorandumi tuzildi.

Loyihani tatbiq etish uchun uyushma tomonidan texnik-iqtisodiy asoslamalar tayyorlanadi, biznes reja ishlab chiqiladi va xom ayosh konlari haqida maʼlumotlar taqdim etiladi.

Investitsiya loyihasi Samarqand viloyatida amalga oshiriladi. Uning umumiy qiymati 170 mln. dollariga teng.

Taʼkidlash joiz, Prezidentimiz rahbarligida oʻtgan yil 7-noyabrda mahalliy sanoatni rivojlantirish masalalari boʻyicha oʻtkazilgan videoselektor yigʻilishida Oʻzbekistonning xorijdagi elchixonalari bilan birgalikda qurilish materiallari ishlab chiqarishda dunyoda yetakchi boʻlgan davlatlar bilan hamkorlik oʻrnatish vazifasi topshirilgan edi.

Shu maqsadda Oʻzsanoatqurilishbank va “Oʻzsanoatqurilishmateriallari” uyushmasi tomonidan keng koʻlamli ishlar olib borilmoqda. Xususan, Qurilish materiallari sanoatini rivojlantirish boʻyicha kengash boshchiligida yil boshidan buyon qator Yevropa mamlakatlari yetakchi kompaniyalari bilan hamkorlik yuzasidan kelishuvlarga erishildi.

Bank Axborot xizmati

Вернуться назад

490

Другие новости