Davlat dasturlari ijrosi

SQB rahbariyati Xorazm viloyatida tadbirkorlar bilan uchrashuvlar oʻtkazdi

Davlatimiz rahbarining tadbirkorlar bilan navbatdagi ochiq muloqotiga tayyorgarlik ishlari doirasida Oʻzsanoatqurilishbank rahbariyati Xorazm viloyatining Urganch shahri hamda Shovot tumanida tadbirkorlar bilan uchrashuvlar oʻtkazdi.

Uchrashuvlar davomida hududdagi tadbirkorlarning moliyaviy ehtiyojlari, mavjud muammolari va biznesni rivojlantirish istiqbollari muhokama qilindi. Xususan, aylanma mablagʻlarni toʻldirish, investitsiya loyihalarini moliyalashtirish hamda ishlab chiqarish quvvatlarini kengaytirishga oid masalalar yuzasidan amaliy taklif va yechimlar koʻrib chiqildi.

Oʻzsanoatqurilishbank tadbirkorlik subyektlarini har tomonlama qoʻllab-quvvatlash, ularning tashabbuslarini roʻyobga chiqarish va hududlar iqtisodiy rivojiga xizmat qiluvchi loyihalarni moliyaviy qoʻllab-quvvatlash boʻyicha tizimli ishlarni izchil davom ettirmoqda.

Вернуться назад

290

Другие новости