Bo'sh ish o'rinlari
“O‘zsanoatqurilishbank” ATB Undiruv markazi, Agentlar va sug‘urta qoplamasi bilan ishlash xizmatida Menejer lavozimiga malakali va munosib nomzodlarni ishga taklif etadi.
28.09.2026 12:56
Ish joyi: Toshkent shahar Undiruv markazi
Ish tajribasi: kamida 2 yil
Asosiy vazifalar
- Kichik va mikro biznes segmenti hamda Undiruv markazi mijozlarining muammoli va muddati o‘tgan kredit qarzdorliklarini sudgacha bo‘lgan tartibda undirish bo‘yicha sug‘urta tashkilotlari bilan ishlash.
- Jismoniy va yuridik shaxslarga 100 foiz nomulkiy ta’minot — sug‘urta polisi (14, 15-klass) va/yoki kafillik asosida ajratilgan kreditlar, mikroqarzlar va overdraftlar bo‘yicha muddati o‘tgan qarzdorliklarni undirish.
- Sug‘urta kompaniyalariga talabnomalar yuborish hamda muddati o‘tgan qarzdorliklarni undirish jarayonini tashkil etish.
- Qarzdorliklarni undirish bo‘yicha autsorsing va tashqi pudratchi tashkilotlar bilan ishlarni muvofiqlashtirish, topshirilgan vazifalarning bajarilishini nazorat qilish va hisobini yuritish.
- Sudning hal qiluv qarori, sud buyrug‘i yoki notariusning ijro xati mavjud bo‘lgan qarzdorliklarni autsorsing tashkilotlariga taqdim etish.
- Markaz zimmasiga yuklatilgan vazifalarni o‘z vaqtida va sifatli bajarish maqsadida Bankning tarkibiy bo‘linmalari va tarmoqlari bilan hamkorlikni tashkil etish.
- Aktivlarni undirish va sotish bilan bog‘liq boshqa vazifalarni amalga oshirish.
- Xizmat vakolatiga kiruvchi masalalar bo‘yicha Bankning tarkibiy bo‘linmalari va tarmoqlaridan kelib tushgan yozishmalar hamda boshqa hujjatlarga o‘z vaqtida va sifatli javob berish.
Nomzodga qo‘yiladigan talablar
- Iqtisodiy yoki yuridik yo‘nalishda oliy ma’lumot.
- Kamida 2 yil ish tajribasi.
- Yaxshi kommunikativ ko‘nikmalar.
- Mijozlar bilan muzokara olib borish va konstruktiv muloqot qilish qobiliyati.
- Muammoli va muddati o‘tgan qarzdorliklar bilan ishlash ko‘nikmasi.
- Analitik fikrlash qobiliyati.
- Diqqatlilik va mas’uliyatlilik.
- Stressga chidamlilik va qat’iyatlilik.
- Kreditlash asoslari va bank mahsulotlarini bilish.
- Xizmat yuzasidan hududlarga chiqishga tayyorlik.
- Hujjatlar va rasmiy yozishmalar bilan ishlash ko‘nikmasi.
Asosiy ko‘nikmalar
- Muddati o‘tgan va muammoli qarzdorliklarni undirish.
- Qarzdorlar va kreditga aloqador shaxslar bilan muzokaralar olib borish.
- Talabnomalar va boshqa hujjatlarni tayyorlash.
- Sudlar, Majburiy ijro byurosi (MIB), notariuslar va boshqa tashkilotlar bilan hamkorlik qilish.
- Kredit qarzdorligini tahlil qilish.
- Bank axborot tizimlarida ishlash.
- Qonunchilik va Bankning ichki hujjatlari talablariga rioya qilish.
Ish sharoitlari
- “O‘zsanoatqurilishbank” ATBda rasmiy ishga qabul qilish.
- Ish joyi — Toshkent shahar Undiruv markazi.
- Lavozim bo‘yicha professional rivojlanish imkoniyati.
- Xizmat vazifalaridan kelib chiqib, hududlarga xizmat safarlari.
Вернуться назад 
374 Другие новости
22.10.2026 11:52:59
SQB shartnoma majburiyatlari monitoringi bo‘yicha menejer lavozimiga nomzodlarni taklif etadi Bo‘linma: Xaridlarni tashkil etish va monitoring departamenti. Asosiy vazifalar: ...
22.10.2026 10:22:49
SQB bank xizmatlari ofisi nazoratchisi (bosh buxgalteri) lavozimiga nomzodlarni taklif etadi Ish joyi: Toshkent viloyati. Asosiy vazifalar: Bank operatsiyalarining ...
21.10.2026 16:46:52
SQB Farg'ona BXO, Sirdaryo BXO va Kirguli BXMlariga biznes bo‘yicha boshqaruvchi o‘rinbosari lavozimiga tashqi tanlov asosida nomzodlarni taklif qiladi. Biznes yo‘nalishlarini samarali boshqarish, mijozlar bilan ishlash va bank xizmatlarini rivojlantirish bo‘yicha tajribag ...
Дата последнего обновления: 30.09.2026 10:37
