Oltin quymalar

Oʻz qiymatini aniq hech qachon yoʻqotmaydigan bu - oltindir. Deyarli barcha rivojlangan davlatlar oʻz oltin zahira rezerviga ega. U yoki bu yoki valyuta qanchalik mustahkam boʻlmasin, barchasi bir soatda oʻzgarib ketishi mumkin. Oltin esa hech qachon sizni “uyaltirib” qoʻymaydi.

Aholining kelajak uchun sarmoya qilishi va oʻz jamgʻarmalari nafaqat pul koʻrinishida, balki boshqa ekvivalentda saqlash imkoniyatini yaratish uchun, Oʻzbekiston Respublikasi Markaziy banki tomonidan oltin quymalarni tijorat banklarida sotish haqida qaror qabul qilindi.

Sotish uchun moʻljallangan quymalar 999,9 probali sof tilladan boʻlib, 5, 10, 20, va 50 grammda maxsus himoyalangan qadoqda chiqariladi. Oltin quymalar qadogʻi maxsus sertifikat boʻlib xizmat qiladi va oʻzining shaxsiy seriya raqamiga ega.

Oltin quymalarni harid qilib, Siz oʻz jamgʻarmangizni xavfsizligini taʼminlaysiz. Axir oltinning qiymati, garchi halqaro birjada biroz oʻzgarib tursa ham, tarixdan barqaror oʻsishni namoyish etib kelmoqda.

Shu bilan birga, oltin quymani siz sovgʻa sifatida taqdim etishingiz mumkin. Bu shunchaki oddiy sovgʻa emas, balki sarmoya qilishning eng yaxshi usulidir, barqarorlik kafolati va valyuta kurslarining oʻzgarishi bilan bogʻliq xatarlardan himoyadir. Shu bilan birga oltin quymalarni himoyalangan qadoq bilan Oʻzbekiston Respublikasi xududidan tashqariga olib chiqish mumkin.

Oltin quymalarni sotib olish sizga qoʻshimcha daromad olib kelishi mumkin, chunki yuqorida aytib oʻtilganidek – bu qimmatbaho metall narxi faqatgina oshib bormoqda va bir necha yildan keyin siz ushbu oltin quyma uchun sotib olgan narxingizdan koʻproq summani qoʻlga kiritishingiz mumkin.

Aholi uchun sotishga moʻljallangan oltin quymalar uchun narxlar jahon bozoridagi oltin narxiga bogʻliq boʻlib, u har kuni oʻzgarib turadi. Barcha toʻrt nominaldagi quymalar narxi, shuningdek Markaziy bank tomonidan belgilangan marja yoki chegirma milliy valyutada har kuni Markaziy bank veb-saytida eʼlon qilinadi.

Bu muhim! Agar siz biron bir shikastlanish yoki qadoqlashning texnik talablariga mos kelmasligi aniqlansa, texnik koʻrikdan soʻng oltin quymalarni qayta sotishingiz mumkin. Toʻlov tekshiruvdan soʻng amalaga oshiriladi.

Oʻlchovli oltin quymalarning sotish va qaytarib sotib olish shoxobchalari

№	Xudud	Filial nomi	Filial manzili		Telefon
1.	Toshkent shahar	Sergeli BXM	100085 Toshkent shahar, Sergeli tumani, Sergeli-8, Sofdil MFY, Shokirariq ko‘chasi, 3-uy		71-200-43-43 (1180)
2.	Toshkent shahar	Toshkent mintaqaviy BXO	Toshkent shahar, Mirzo Ulug‘bek tumani, Mustaqillik MFY, Mustaqillik shoh ko‘chasi, 5-uy		71-200-43-43 (1180)
3.	Toshkent viloyati	Chirchiq BXM		Toshkent viloyati, Chirchiq shahar, Madaniyat MFY, Haqiqat ko‘chasi, 1a-uy	71-200-43-43 (1180)
4.	Qoraqalpog‘iston	Qo‘ng‘irot BXM		Qoraqalpog‘iston Respublikasi, Qo‘ng‘irot tumani, Qo‘ng‘irot MFY, T.Aybergenov ko‘chasi, 48-uy	71-200-43-43 (1180)
4.	Andijon shahri	Xonobod BXM		Andijon viloyati, Xonobod shahri, Istiqbol MFY, Farog‘at ko‘chasi, 2-uy	71-200-43-43 (1180)
5.	Jizzax viloyati	Jizzax mintaqaviy BXO		Jizzax viloyati, Jizzax shahar, Sayiljoyi MFY, Sharof Rashidov shoh ko‘chasi, 7-uy	71-200-43-43 (1180)
6.	Namangan viloyati	Namangan mintaqaviy BXO		Namangan viloyati, Namangan shahar, Yangi Namangan tumani, Furqat MFY, I.Karimov ko‘chasi, 19-uy	71-200-43-43 (1180)
6.	Samarqand viloyati	Samarqand mintaqaviy BXO		Samarqand viloyati, Samarqand shahar, Saidrizo Alizoda MFY, Amir Temur ko‘chasi, 152-uy	71-200-43-43 (1180)
7.	Sirdaryo viloyati	Sirdaryo mintaqaviy BXO		Sirdaryo viloyati, Guliston shahar, Shodlik MFY, Alisher Navoiy ko‘chasi, 48-uy	71-200-43-43 (1180)
8.	Xorazm viloyati	Xorazm mintaqaviy BXO		Xorazm viloyati, Urganch shahri, Avesto MFY, I.Karimov ko‘chasi, 128-uy	71-200-43-43 (1180)