Qarzni yangi qarz oluvchiga o‘tkazish xizmati

Kreditning maqsadi:

Bank tomonidan ajratilgan ipoteka yoki iste’mol krediti bo‘yicha qarzdorlikni amaldagi qarz oluvchining roziligi bilan yangi qarz oluvchiga o‘tkazish.

Kredit miqdori:

Dastlabki kredit shartnomasi bo‘yicha qarzdorlik qoldig‘i.

Foiz stavkasi va muddati:

• * Bankning o‘z mablag‘lari hisobidan ajratilgan ipoteka va iste’mol kreditlari bo‘yicha foiz stavkasi va muddat dastlabki kredit shartnomasi shartlariga muvofiq belgilanadi;
• 7 yilgacha — yillik 23%;
• 10 yilgacha — yillik 24%;
• 15 yilgacha — yillik 25%.

23–25% stavkalar jalb qilingan resurslar hisobidan ajratilgan kreditlar, jumladan «Yangi uyga ipoteka», «Yangi uyga ipoteka-2», «Yashil ipoteka», «Shahar qurilish invest» va «Qishloq qurilish invest» mahsulotlari bo‘yicha qarzdorlikni o‘tkazishda qo‘llaniladi.

Imtiyozli davr:

Dastlabki kredit shartnomasida nazarda tutilgan foydalanilmagan imtiyozli davr mavjud bo‘lsa, qo‘llaniladi.

Kreditni qaytarish usuli:

Dastlabki kredit shartnomasidagi to‘lov jadvaliga muvofiq.

Eng kam boshlang‘ich badal:

Dastlabki kredit shartnomasi bo‘yicha muddati o‘tgan kredit qarzdorligi miqdorida belgilanadi.

Kredit ta’minotiga qo‘yiladigan talablar:

• ta’minot dastlabki kredit shartnomasiga muvofiq taqdim etiladi;
• ipoteka yoki iste’mol krediti bo‘yicha garov obyekti garovdan chiqarilmagan holda yangi qarz oluvchi nomiga rasmiylashtiriladi va belgilangan tartibda bankka garov sifatida taqdim etiladi;
• kredit hisobidan sotib olingan uy-joy yoki avtotransport vositasi garovdan chiqarilmaydi;
• ipoteka kreditlari bo‘yicha qarzdorlik qoldig‘i garovga qo‘yilgan uy-joy qiymatining 80%idan oshmasligi kerak;
• avtokreditlar bo‘yicha qarzdorlik qoldig‘i garovga qo‘yilgan avtomobil qiymatining 75%idan oshmasligi kerak;
• ta’minot miqdori kredit qarzdorligining kamida 125%ini, bankka aloqador shaxslar uchun esa kredit summasining kamida 130%ini tashkil etishi kerak;
• ta’minotning yetishmaydigan qismi sug‘urta polisi, jismoniy shaxs kafilligi va/yoki qo‘shimcha garov ta’minoti bilan qoplanishi mumkin;
• garov ta’minoti va sug‘urta polisi kreditning butun muddati uchun taqdim etiladi.