SMALL HYDROPOWER krediti

Kreditning maqsadi:

Mazkur kredit mahsuloti quyidagi maqsadlar uchun mo‘ljallangan:

• quvvati 5 MVtgacha bo‘lgan mikro gidroelektrostansiyalar qurish;
• energiya ishlab chiqarish infratuzilmasini tashkil etish hamda energiya samaradorligini oshirish;
• mikro gidroelektrostansiyalar uchun yangi uskuna va mexanizmlarni xarid qilish.

Valyuta:

• milliy valyuta (so‘m);
• xorijiy valyuta (AQSh dollari).

Kredit miqdori:

Mahsulot pasporti doirasida 15 mlrd so‘m ekvivalentigacha.

Moliyalashtirish turi:

Investitsion kreditlash — biznesni yaratish, rivojlantirish, kengaytirish va modernizatsiya qilish.

Kredit muddati:

• bank o‘z mablag‘lari hisobidan — 84 oygacha;
• jalb qilingan mablag‘lar hisobidan — jalb qilingan mablag‘lar shartlariga asosan.

Imtiyozli davr:

18 oygacha.

Foiz stavkasi:

• so‘mda ajratiladigan kreditlar — yillik 24% dan;
• xorijiy valyutada ajratiladigan kreditlar — yillik 12% dan.

Yakuniy foiz stavkasi kredit shartlari va Bankning ichki talablaridan kelib chiqib individual tarzda belgilanadi.

Tashabbuskorning loyihadagi ulushi:

Qarz oluvchining loyihadagi ulushi loyiha qiymatining kamida 30 foizini tashkil etishi lozim.

Kredit ta’minoti:

• kredit summasining kamida 125% miqdorida mulkiy garov va/yoki pul mablag‘lari ta’minoti;
• aloqador shaxslar uchun — 130%;
• dastlabki doimiy ko‘chmas mulk va/yoki pul mablag‘lari ta’minoti kredit summasining kamida 70%ini tashkil etishi lozim;
• ta’minotning qolgan qismi kredit hisobiga sotib olinadigan asosiy vositalar garovi bilan ta’minlanishi mumkin.

Mulkiy ta’minot:

• Bankda o‘rnatilgan talablar asosidagi ko‘chmas mulklar;
• ishlab chiqarilganiga 3 yildan oshmagan avtotransport vositalari;
• pul mablag‘lari kredit valyutasida;
• kredit mablag‘lari hisobiga sotib olinadigan asosiy vositalar.

Qo‘shimcha ta’minot:

• kredit qaytarilmaslik xatari sug‘urta polisi;
• uchinchi yuridik shaxs kafilligi;
• “Biznesni kafolatlash milliy kompaniyasi” AJ kafilligi.

Qo‘shimcha talablar:

• gidroelektr stansiyalarini qurish huquqi bo‘yicha elektron-onlayn auksion natijalari to‘g‘risidagi bayonnoma mavjud bo‘lishi lozim;
• gidroelektr stansiyasi Qurilish vazirligi tomonidan berilgan maxsus litsenziyaga ega quruvchi tomonidan barpo etilishi lozim;
• ishlab chiqarilishi rejalashtirilgan energiyani sotish bo‘yicha “Energo savdo” MCHJ yoki uning hududiy bo‘linmalari bilan shartnoma tuzilgan bo‘lishi lozim;
• loyiha “yashil loyiha” talablariga hamda mahsulot maqsadlariga mosligi bo‘yicha Sustainable Finance departamentining ijobiy xulosasi olinishi lozim.

Bank xodimlari va qarindoshlari bo‘yicha cheklov:

Bank xodimlari va ularning yaqin qarindoshlari ishtirokidagi yoki rahbarligidagi korxonalarga, shuningdek ushbu shaxslar ishtirokidagi korxonalar kafilligi ostida kredit ajratilishi taqiqlanadi.