KREDIT QARZDORLIGINI SOTIB OLISH krediti

Yangi qarz oluvchiga qo‘yiladigan asosiy talablar:

1. KATM ma’lumotlariga ko‘ra qarz oluvchining reytingi kamida 250 ball bo‘lishi lozim.
2. Ustav fondi to‘liq shakllantirilgan bo‘lishi lozim.
3. Kredit yuklamasi 50% dan oshmasligi lozim.
4. Davlat ro‘yxatidan o‘tgan sanadan boshlab kamida 12 oy faoliyat yuritgan bo‘lishi lozim.
5. So‘nggi 6 oy davomida hisobvaraqda faoliyat bilan bog‘liq pul tushumlari kamida 4 oy mavjud bo‘lishi lozim.
6. Moliyaviy natijalar to‘g‘risidagi hisobot — 2-son shakl ijobiy yakunlangan bo‘lishi lozim.
7. O‘z aylanma mablag‘lari ijobiy ko‘rsatkichda bo‘lishi lozim.
8. Amaldagi kreditlar va kreditga tenglashtirilgan operatsiyalar bo‘yicha muddati o‘tgan qarzdorlik mavjud bo‘lmasligi lozim.
9. Aloqador korxonalarning SQB tizimida muddati o‘tgan kredit qarzdorligi mavjud bo‘lmasligi lozim.
10. 2-sonli kartoteka bo‘yicha qarzdorlik mavjud bo‘lmasligi lozim.
    Boshqa bank tomonidan berilgan ma’lumotnoma taqdim etilgan kundan boshlab 30 kun amal qiladi.
11. Qarz oluvchining barcha tijorat banklarida hamda aloqador korxonalarining SQB tizimida “qoniqarsiz”, “shubhali” yoki “umidsiz” toifasida tasniflangan amaldagi kreditlari mavjud bo‘lmasligi lozim.
12. KATM ma’lumotlariga ko‘ra:
    • so‘nggi 6 oy ichida 61 kundan 90 kungacha muddati o‘tgan kredit qarzdorligi mavjud bo‘lmasligi;
    • so‘nggi 12 oy ichida 90 kundan ortiq muddati o‘tgan kredit qarzdorligi mavjud bo‘lmasligi lozim.
13. SQB tizimidagi amaldagi kreditlar bo‘yicha mablag‘lardan maqsadsiz foydalanish holatlari mavjud bo‘lmasligi lozim.
14. Amaldagi kreditlar bo‘yicha Bankning kollegial organi belgilagan shartlarni bajarmaslik holatlari mavjud bo‘lmasligi lozim.
    Shartlarni kechiktirib bajarish holatlari alohida ko‘rib chiqiladi.
15. Korxona ta’sischilari tarkibi so‘nggi 6 oy davomida o‘zgarmagan bo‘lishi lozim, quyidagi holatlar bundan mustasno:
    • eski ta’sischilar tarkibi o‘zgarmagan holda yangi ta’sischilar qo‘shilishi;
    • ota-ona, aka-uka, opa-singil, er-xotin va farzandlar o‘rtasidagi o‘zgarishlar.
16. Quyidagilarning Majburiy ijro byurosi tomonidan ochilgan ijro ishlari bo‘yicha qarzdorligi mavjud bo‘lmasligi lozim:
    • yangi qarz oluvchi;
    • yangi qarz oluvchining ta’sischilari va rahbari;
    • yangi qarz oluvchining ta’sischilari yoki rahbari ta’sischi yoxud rahbar bo‘lgan korxonalar.
17. Korxona ta’sischilari va direktorining jismoniy shaxs sifatida muddati o‘tgan kredit qarzdorligi mavjud bo‘lmasligi lozim.
18. So‘nggi 3 yil ichida kredit majburiyatlari, shu jumladan kafillik bo‘yicha iqtisodiy sudda qisman yoki to‘liq qanoatlantirilgan da’volar mavjud bo‘lmasligi lozim.
    Javobgar uchun tegishli mulk garovi taqdim etilgan holatlar bundan mustasno.
19. SQB tizimidagi amaldagi kreditlar bo‘yicha asosiy qarz yoki foiz to‘lovlarining oraliq va yakuniy muddatlarini uzaytirish holatlari mavjud bo‘lmasligi lozim.
20. Shartlari qayta ko‘rib chiqilgan kreditlarning asosiy qarzi yoki muddati uzaytirilgan foiz qarzdorligi hisobvaraqlarida qoldiq mavjud bo‘lmasligi lozim.

Dastlabki qarz oluvchiga qo‘yiladigan asosiy talablar:

1. Dastlabki va yangi qarz oluvchilar o‘rtasida o‘zaro aloqadorlik mavjud bo‘lmasligi lozim.
2. Dastlabki qarz oluvchi kredit mablag‘lari hisobiga sotib olgan asosiy vositalarni yangi qarz oluvchiga o‘tkazish bo‘yicha ta’sischilar umumiy yig‘ilishi bayonnomasi va rozilik xatini taqdim etishi lozim.
3. Sotib olinayotgan kredit bo‘yicha mablag‘lardan maqsadsiz foydalanish holatlari mavjud bo‘lmasligi lozim.
4. Kreditni so‘ndirish uchun operatsion pul oqimini shakllantiruvchi aktivlar, shu jumladan kredit mablag‘lari hisobiga sotib olingan asosiy vositalar yangi qarz oluvchiga topshirish-qabul qilish dalolatnomasi asosida o‘tkazilishi lozim.

Qo‘shimcha talablar:

• Xorijiy valyutada kredit olish uchun amaldagi eksport shartnomasi mavjud bo‘lishi lozim.
• Kredit qarzdorligi sotib olingandan keyin oraliq va yakuniy to‘lov muddatlari qayta ko‘rib chiqilmaydi.
• Garovga qo‘yuvchining 2-sonli kartoteka bo‘yicha qarzdorligi va Majburiy ijro byurosida to‘lanishi lozim bo‘lgan qarzdorligi mavjud bo‘lmasligi lozim.
  Garov obyekti dastlabki qarz oluvchiga tegishli bo‘lgan holatlar bundan mustasno.
• Bankning kredit siyosatiga muvofiq kredit bitimi tuzish taqiqlangan yoki defolt holatidagi mijozlarga kredit ajratilmaydi.

Asosiy hujjatlar:

1. Kredit olish uchun ariza.
2. Yangi qarz oluvchi korxona ta’sischilarining kredit olish bo‘yicha amaldagi qonunchilik talablariga muvofiq rasmiylashtirilgan roziligi.
3. Oxirgi hisobot davri uchun buxgalteriya balansi va moliyaviy natijalar to‘g‘risidagi hisobot.
   1 va 2-sonli shakllar Bank tomonidan soliq organlari ma’lumotlar bazasidan elektron tarzda olingan hollarda ushbu hujjatlarni taqdim etish talab qilinmaydi.
4. Oxirgi chorak uchun buxgalteriya balansi va moliyaviy natijalar to‘g‘risidagi hisobot.
5. Asosiy hisobvaraq boshqa bankda ochilgan bo‘lsa, 2-sonli kartoteka holati to‘g‘risidagi ma’lumotnoma.

Kredit qarzdorligini sotib olish uchun taqdim etiladigan hujjatlar:

1. Dastlabki qarz oluvchining kredit mablag‘lari hisobiga sotib olingan asosiy vositalarni yangi qarz oluvchiga o‘tkazish bo‘yicha ta’sischilar umumiy yig‘ilishi bayonnomasi va rozilik xati.
2. Dastlabki va yangi qarz oluvchilar o‘rtasidagi o‘zaro hisob-kitoblarni tasdiqlovchi taqqoslash dalolatnomasi.
3. Kreditni so‘ndirish uchun pul oqimini shakllantiruvchi aktivlar, shu jumladan kredit mablag‘lari hisobiga sotib olingan asosiy vositalar bo‘yicha topshirish-qabul qilish dalolatnomasi.
4. Kredit xorijiy valyutada rasmiylashtirilganda — amaldagi eksport shartnomasi.

Kredit ta’minoti sifatida mol-mulk taqdim etilganda:

1. Garov obyekti bo‘yicha mustaqil baholovchi tashkilotning baholash hisoboti.
2. Qarz oluvchi yoki mol-mulkni garovga beruvchi uchinchi shaxs korxonasi ta’sischilarining:
   • mol-mulkni kredit ta’minoti sifatida garovga berish;
   • undiruvni garov mulkiga suddan tashqari tartibda qaratish bo‘yicha roziligi.
3. Garov obyekti ko‘chmas mulk bo‘lsa — kadastr ko‘chirmasi va kadastr pasporti.
4. Yer uchastkasiga bo‘lgan huquq ijara asosida rasmiylashtirilgan bo‘lsa — yer uchastkasining ijara shartnomasi.
5. Garov obyekti avtotransport vositasi bo‘lsa — transport vositasi davlat ro‘yxatidan o‘tkazilganligi to‘g‘risidagi guvohnoma.
6. Mol-mulkni garovga beruvchi uchinchi yuridik shaxsning ta’sis hujjatlari, agar korxonaga boshqa bank tomonidan xizmat ko‘rsatilsa.
7. Mol-mulkni garovga beruvchi uchinchi jismoniy shaxsning pasporti yoki ID-kartasi nusxasi.
8. Mol-mulkni garovga beruvchi uchinchi yuridik shaxs direktori va bosh buxgalterining pasporti yoki ID-kartasi nusxasi, agar korxonaga boshqa bank tomonidan xizmat ko‘rsatilsa.

Bitimning xususiyatidan kelib chiqib, Bank tomonidan qo‘shimcha hujjatlar talab qilinishi mumkin.