Balansdagi turar-joy ipoteka krediti

• O‘zbekiston Respublikasi fuqarosi bo‘lishi;
• kredit olish uchun murojaat qilingan sanada 18 yoshga to‘lgan va 60 yoshdan oshmagan bo‘lishi;
• doimiy ish joyiga, tadbirkorlik faoliyatidan doimiy daromadga, o‘zini o‘zi band qilgan shaxs maqomiga yoki qonunchilikda taqiqlanmagan boshqa hujjatlar bilan tasdiqlangan daromad manbaiga ega bo‘lishi;
• daromadi kredit bo‘yicha foizlar va asosiy qarzni to‘lov jadvaliga muvofiq har oy to‘lash uchun yetarli bo‘lishi;
• amaldagi kreditlar, mikroqarzlar, mikrokreditlar, lizing va boshqa majburiyatlar bo‘yicha so‘ndirilmagan muddati o‘tgan qarzdorligi mavjud bo‘lmasligi;
• turar joy qiymatining kamida 20%i miqdoridagi boshlang‘ich badalni shakllantirish imkoniyatiga ega bo‘lishi;
• qarz yuki ko‘rsatkichi 50%dan oshmasligi;
• amaldagi kreditlar va ilgari berilgan kafilliklar mavjud bo‘lishiga, yangi kredit bo‘yicha to‘lovga layoqatlilik saqlangan taqdirda, yo‘l qo‘yilishi;
• oxirgi 24 oy davomida ajratilgan kreditlar, mikrokreditlar va mikroqarzlar bo‘yicha kredit tarixi o‘rganilishi;
• avval to‘liq so‘ndirilgan yoki amaldagi kreditlar bo‘yicha oxirgi 24 oy davomida 90 kundan ortiq muddati o‘tgan qarzdorlikka kamida bir marta yo‘l qo‘yilgan bo‘lsa, kredit ajratilishi rad etilishi.

O‘rtacha oylik daromadni hisoblashda quyidagilar inobatga olinadi:

• mehnat ta’tili davridan tashqari, uzluksiz 6 oy uchun ish haqi to‘g‘risidagi ma’lumotlar;
• pensiya miqdori to‘g‘risidagi ma’lumotlar;
• fuqarolarning jamg‘arib boriladigan pensiya badallari to‘g‘risidagi ma’lumotlar;
• to‘langan soliqlar to‘g‘risidagi ma’lumotlar, shu jumladan davlat soliq xizmati organlari tomonidan tasdiqlangan jami yillik daromad deklaratsiyasi;
• bank hisobvaraqlariga, shu jumladan bank kartalariga uzluksiz 6 oy davomida tushgan tushumlar;
• o‘zini o‘zi band qilgan shaxsning tadbirkorlik faoliyatidan olgan daromadlari to‘g‘risidagi ma’lumotlar;
• qonunchilikda taqiqlanmagan boshqa daromadlarni tasdiqlovchi ma’lumotlar.

Daromadlar soliqlar chegirilgan holda hisobga olinadi.

Mavsumiy ishlarni bajaradigan qarz oluvchilar uchun so‘nggi 6 oy ichida kamida 3 oy davomida uzluksiz olingan daromadlar qabul qilinishi mumkin.

O‘zini o‘zi band qilgan shaxsning tadbirkorlik faoliyatidan olgan daromadi birgalikda qarz oluvchining daromadi sifatida qabul qilinmaydi.

5 nafargacha birgalikda qarz oluvchini jalb qilish mumkin.

• birgalikda qarz oluvchilarga fuqarolik, yosh, daromad, qarz yuki va joriy muddati o‘tgan qarzdorlikning mavjud emasligi bo‘yicha talablar qo‘yiladi;
• oxirgi 24 oy davomida ajratilgan kreditlar, mikrokreditlar va mikroqarzlar bo‘yicha kredit tarixi o‘rganiladi;
• daromadlar hujjatlar yoki elektron ma’lumotlar bilan tasdiqlanishi lozim;
• o‘zini o‘zi band qilgan shaxsning tadbirkorlik faoliyatidan olgan daromadi birgalikda qarz oluvchining daromadi sifatida qabul qilinmaydi.

Asosiy qarz oluvchidan:

1. shaxsni tasdiqlovchi hujjatning asl nusxasi — YaIDXP orqali raqamli shaklda taqdim etilishi mumkin;
2. daromadlar to‘g‘risidagi ma’lumotlar yoki elektron ma’lumotlar — Bankning tegishli dasturi orqali elektron tarzda olinishi mumkin;
3. davlat soliq xizmati organlarida o‘zini o‘zi band qilgan shaxs sifatida ro‘yxatdan o‘tganligi to‘g‘risidagi ma’lumotnoma — zarur hollarda;
4. auksion savdolarida g‘olib bo‘lganlik va tegishli to‘lov amalga oshirilganligini tasdiqlovchi hujjat yoki ma’lumotnoma;
5. Bank bilan tuzilgan turar joy oldi-sotdi shartnomasi;
6. turar joyning kadastr hujjatlari va egalik huquqini tasdiqlovchi hujjatlar;
7. kredit ta’minotiga doir hujjatlar.

Harbiy xizmatchi harbiy guvohnomasini taqdim etgan taqdirda, pasport nusxasi ham talab etiladi.

Birgalikda qarz oluvchidan:

1. shaxsni tasdiqlovchi hujjatning asl nusxasi — YaIDXP orqali raqamli shaklda taqdim etilishi mumkin;
2. daromadlar to‘g‘risidagi ma’lumotlar yoki elektron ma’lumotlar — Bankning tegishli dasturi orqali elektron tarzda olinishi mumkin.

O‘rganish jarayonida Bank qonunchilikda belgilangan tartibda boshqa ma’lumot va hujjatlarni ham talab qilishi mumkin.