JAYHUN krediti

Kredit maqsadi:

Qoraqalpog‘iston Respublikasida ro‘yxatdan o‘tgan va faoliyat yuritayotgan mikro va kichik biznes subyektlarini moliyalashtirish.

• aylanma mablag‘larni to‘ldirish;
• investitsiya loyihalarini amalga oshirish;
• bino va inshootlarni sotib olish;
• uskuna va maxsus texnikalarni xarid qilish;
• investitsiya faoliyati bilan bog‘liq avtotransport vositalarini xarid qilish;
• investitsiya faoliyati bilan bog‘liq qurilish maqsadlari (PF-93 doirasidagi uy-joy qurilishi loyihalari moliyalashtirilmaydi);
• maqsadsiz kreditlar;
• yangi transport vositalari va maxsus texnikalarni xarid qilish.

Kreditlar kredit va foizlarni so‘ndirish, uchinchi shaxslarga moliyaviy yordam ko‘rsatish, qimmatli qog‘ozlar yoki yuridik shaxs ulushlarini sotib olish, ikkilamchi hisobvaraqlarga o‘tkazmalar hamda mahsulot pasportida nazarda tutilgan boshqa operatsiyalar uchun ajratilmaydi.

Valyuta:

• milliy valyuta (so‘m);
• xorijiy valyuta (AQSh dollari, yevro va boshqalar).

Yuridik shaxs maqomiga ega bo‘lmagan YTTlarga xorijiy valyutada kredit ajratilmaydi.

Kredit muddati:

• aylanma mablag‘lar uchun — 18 oygacha;
• investitsiya loyihalari uchun — 60 oygacha;
• maqsadsiz kreditlar uchun — 60 oygacha;
• transport vositalari va maxsus texnikalarni xarid qilish uchun — 48 oygacha;
• jalb qilingan mablag‘lar hisobidan moliyalashtirilganda — resurs shartlariga asosan.

Imtiyozli davr:

• aylanma mablag‘lar uchun — 3 oygacha;
• investitsiya loyihalari uchun — 24 oygacha;
• maqsadsiz kreditlar uchun — 6 oygacha;
• transport vositalari va maxsus texnikalarni xarid qilish uchun — 3 oygacha;
• jalb qilingan mablag‘lar bo‘yicha — resurs shartlariga asosan.

Investitsiya loyihalarida imtiyozli davr biznes-rejada asoslantirilgan bo‘lishi lozim.

Foiz stavkasi:

• milliy valyutada (bankning o‘z mablag‘lari hisobidan) — Markaziy bank asosiy stavkasi + 10 f.p.dan kam bo‘lmagan miqdorda;
• xorijiy valyutada va jalb qilingan mablag‘lar hisobidan — bankning amaldagi stavkalaridan kam bo‘lmagan miqdorda;
• maqsadli resurslar bo‘yicha normativ hujjatlarda belgilangan stavka qo‘llaniladi.

Kredit summasi:

• aylanma mablag‘lar uchun — 10 mlrd so‘mgacha;
• investitsiya loyihalari uchun — 10 mlrd so‘mgacha;
• maqsadsiz kreditlar uchun — 50 mln so‘m ekvivalentidan 5 mlrd so‘m ekvivalentigacha;
• transport vositalari va maxsus texnikalarni xarid qilish uchun — 5 mlrd so‘m ekvivalentigacha;
• yuridik shaxs maqomiga ega bo‘lmagan YTTlar uchun — 500 mln so‘mgacha.

Mijozning barcha banklardagi umumiy kredit qarzdorligi 10 mlrd so‘mdan oshmasligi lozim.

Kredit ta’minoti:

Ta’minotning umumiy hajmi kredit summasining kamida 125% miqdorida bo‘lishi lozim.

“Biznesni kafolatlash milliy kompaniyasi” AJ kafilligi taqdim etilganda mulkiy garov hajmi kafillik summasiga kamaytiriladi.

Investitsiya loyihalari uchun:

• dastlabki ko‘chmas mulk garovi kredit summasining kamida 70% miqdorida bo‘lishi lozim;
• ta’minotning qolgan qismi kredit hisobidan xarid qilinadigan asosiy vositalar va/yoki qurilayotgan obyektlar bilan rasmiylashtirilishi mumkin.

Garov rasmiylashtirilguniga qadar sug‘urta polisi yoki kafillik taqdim etiladi.

Transport vositalari va maxsus texnikalar uchun:

• transport va maxsus texnikalar yangi, foydalanilmagan hamda ishlab chiqarilganiga 2 yildan oshmagan bo‘lishi kerak;
• mijozning boshlang‘ich badali kamida 20% bo‘lishi lozim;
• garov qiymati yetarli bo‘lmaganda sug‘urta polisi va/yoki qo‘shimcha ta’minot taqdim etiladi;
• xarid qilinayotgan texnika qarz oluvchi nomiga rasmiylashtirilgandan so‘ng garovga olinadi.

Qabul qilinadigan garov turlari:

• ko‘chmas mulk;
• avtotransport vositalari — 4 yildan oshmagan;
• maxsus texnikalar — 2 yildan oshmagan;
• pul mablag‘lari;
• kredit hisobidan xarid qilinadigan asosiy vositalar;
• kadastr hujjatlari rasmiylashtirilgandan keyin qurilayotgan obyektlar.

Maxsus shartlar:

• transport va maxsus texnika xaridi bo‘yicha loyihalar investitsiya loyihalari hisoblanmaydi;
• bunday loyihalar uchun TIA taqdim etilishi talab qilinmaydi;
• import kontraktlari texnika yetkazib berilgandan keyin yoki akkreditiv orqali moliyalashtiriladi;
• yetkazib beruvchi diler maqomini tasdiqlovchi hujjatlar taqdim etilishi lozim;
• ko‘chmas mulk mustaqil baholovchi tashkilot tomonidan baholanadi;
• garov qiymati “E-baholash” MCHJ bahosidan yuqori bo‘lmasligi kerak.