INTENSIV BOG‘LAR krediti

Bog‘ va tokzorlarni yangilash hamda rivojlantirish uchun moliyalashtirish

Mahsulot haqida

12 mlrd so‘mgacha

Kredit miqdori

84 oygacha

Kredit muddati

36 oygacha

Imtiyozli davr

UZS

Kredit valyutasi

Yillik 14%

Kredit stavkasi

Mikro va kichik biznes

Segment

Kredit olish oson!

Bankning oʻzingizga eng yaqin ofisini tanlang va maslahat oling

Kerakli hujjatlarni taqdim qiling

Hujjatlarni imzolang va joriy hisob raqamiga pul oling

Batafsil shartlar

Shartlar
Mijozga qo‘yiladigan talablar
Kerakli hujjatlar

Asosiy ma’lumotlar

Kredit maqsadi:

kam hosilli bog‘ va tokzorlarni yangilash va (yoki) sanoat usulidagi intensiv bog‘ va tokzorlarni barpo etish.

Mijozlar:

Qoraqalpog‘iston Respublikasi va Surxondaryo viloyatida faoliyat ko‘rsatuvchi mikro va kichik biznes subyektlari:

yuridik shaxs maqomiga ega bo‘lmagan tadbirkorlar;
yuridik shaxslar.

Kredit valyutasi:

milliy valyuta — so‘m.

Kredit miqdori:

60 mln so‘mdan 12 mlrd so‘mgacha.

Moliyalashtirishning maksimal miqdori — har bir gektarga 120 mln so‘mgacha.

Kredit muddati:

84 oygacha.

Xorijiy davlatlardan in vitro usulida yetishtirilgan va sertifikatga ega mevali ko‘chatlarni import qilish uchun — 18 oygacha.

Imtiyozli davr:

36 oygacha.

Xorijiy davlatlardan in vitro usulida yetishtirilgan va sertifikatga ega mevali ko‘chatlarni import qilish uchun — 3 oygacha.

Foiz stavkasi:

yillik 14%.

Kreditni ajratish shakli:

yopiq kredit liniyasi orqali mahsulot yetkazib beruvchi korxonalarning hisob raqamiga pul o‘tkazish yo‘li bilan.

Moliyalashtirish manbai:

O‘zbekiston Respublikasi Iqtisodiyot va moliya vazirligi mablag‘lari.

Mulkiy ta’minot turlari:

Bank talablariga muvofiq bo‘lgan ko‘chmas mulk;
ijara shartnomasida garovga qo‘yish taqiqlanmagan bo‘lsa, yer uchastkasiga bo‘lgan ijara huquqi;
ishlab chiqarilganiga 3 yildan oshmagan avtotransport vositalari.

Qo‘shimcha ta’minot turlari:

kredit muddatiga mutanosib ravishda rasmiylashtirilgan va sug‘urta mukofoti to‘langan kreditni qaytarmaslik xataridan sug‘urta polisi;
“Biznesni kafolatlash milliy kompaniyasi” AJ kafilligi.

Maxsus shartlar:

xorijiy davlatlardan in vitro usulida yetishtirilgan va sertifikatga ega mevali ko‘chatlarni import qilish uchun har bir ko‘chatga 5 AQSH dollarigacha ekvivalentda kredit ajratiladi;
eskirgan bog‘larni yangilash Agrosanoatni rivojlantirish agentligining bog‘ni yaroqsiz deb topish va uning o‘rnida intensiv bog‘ barpo etish to‘g‘risidagi xulosasi mavjud bo‘lganda moliyalashtiriladi;
loyiha mijoz faoliyat yuritayotgan joydan 200 km radiusgacha masofada joylashgan Bank tarmog‘i tomonidan ko‘rib chiqiladi.

Hujjatlar

Shartnoma

Yuklab olish

Maqsadli auditoriya:

mikro va kichik biznes subyektlari;
yuridik shaxs maqomiga ega bo‘lmagan tadbirkorlar;
yuridik shaxslar;
Qoraqalpog‘iston Respublikasi yoki Surxondaryo viloyatida faoliyat yurituvchi mijozlar.

Loyiha mijoz faoliyat yuritayotgan joydan 200 km radiusgacha masofada joylashgan Bank tarmog‘i tomonidan ko‘rib chiqiladi.

Mijozga qo‘yiladigan asosiy talablar:

Faoliyat yuritish muddati:
- mijoz davlat ro‘yxatidan o‘tgan sanadan boshlab kamida 12 oy davomida faoliyat yuritgan bo‘lishi lozim;
- so‘nggi 6 oy davomida bank hisobvarag‘ida asosiy faoliyat bilan bog‘liq pul tushumlari mavjud bo‘lishi, bunda kamida 3 oy davomida tushum qayd etilgan bo‘lishi lozim.
Moliyaviy holati:
- mijozning kredit yuklamasi 100%dan oshmasligi lozim;
- moliyaviy natijalar to‘g‘risidagi hisobot — 2-sonli shakl ijobiy natijaga ega bo‘lishi lozim;
- o‘z aylanma mablag‘lari ko‘rsatkichi ijobiy bo‘lishi lozim.
2-sonli shakl va o‘z aylanma mablag‘lariga qo‘yiladigan talablar yuridik shaxs tashkil etmasdan faoliyat yurituvchi tadbirkorlarga tatbiq etilmaydi.
Kredit tarixi:
- barcha banklar va kredit tashkilotlarida joriy muddati o‘tgan kredit qarzdorligi mavjud bo‘lmasligi;
- “qoniqarsiz”, “shubhali” yoki “umidsiz” toifalarida tasniflangan amaldagi kreditlar mavjud bo‘lmasligi;
- so‘nggi 6 oy davomida 61 kundan 90 kungacha muddati o‘tgan kredit qarzdorligi mavjud bo‘lmasligi;
- so‘nggi 12 oy davomida 90 kundan ortiq muddati o‘tgan kredit qarzdorligi mavjud bo‘lmasligi;
- Kredit axborot-tahliliy markazi ma’lumotlariga ko‘ra skoring balli kamida 200 bo‘lishi lozim.
Mijozning majburiyatlari:
- 2-sonli kartoteka qarzdorligi mavjud bo‘lmasligi;
- ijro ishlari bo‘yicha to‘lanishi lozim bo‘lgan qarzdorlik mavjud bo‘lmasligi;
- mijoz bilan o‘zaro aloqador korxonalarning “O‘zsanoatqurilishbank” ATB tizimida muddati o‘tgan kredit qarzdorligi mavjud bo‘lmasligi;
- Bankdagi amaldagi kreditlardan maqsadsiz foydalanish holatlari mavjud bo‘lmasligi;
- Bankdagi amaldagi kreditlar bo‘yicha so‘nggi 12 oy davomida restrukturizatsiyalar soni bittadan oshmasligi;
- asosiy qarz va (yoki) foiz qarzdorligi bo‘yicha yakuniy to‘lov muddatini uzaytirish holatlari ikkitadan oshmasligi.
Ta’sischilarga qo‘yiladigan talablar:
- so‘nggi 6 oy davomida ta’sischilar tarkibi o‘zgarmagan bo‘lishi lozim;
- amaldagi ta’sischilar tarkibi saqlanib qolgan holda yangi ta’sischilar qo‘shilishiga, shuningdek yaqin qarindoshlar o‘rtasida ta’sischilar tarkibi o‘zgarishiga ruxsat etiladi;
- ta’sischilarning jismoniy shaxs sifatida olgan kreditlari bo‘yicha muddati o‘tgan qarzdorligi mavjud bo‘lmasligi;
- ta’sischilar va ular bilan bog‘liq korxonalarning ijro ishlari bo‘yicha qarzdorligi mavjud bo‘lmasligi.

Qo‘shimcha shartlar:

so‘nggi 3 yil davomida kredit majburiyatlari bilan bog‘liq va to‘liq yoki qisman qanoatlantirilgan sud da’volari mavjud bo‘lmasligi, mahsulot shartlarida nazarda tutilgan holatlar bundan mustasno;
mijozning mahsulot yetkazib beruvchi bilan tuzilgan tashqi savdo shartnomalari bo‘yicha muddati o‘tgan debitorlik qarzdorligi mavjud bo‘lmasligi;
import shartnomalariga qo‘yiladigan talablar Bankning Kredit siyosatiga muvofiq belgilanadi;
mijozning faoliyati va loyiha amalga oshiriladigan joy biznes menejer tomonidan joyiga chiqqan holda o‘rganiladi;
eskirgan bog‘larni yangilash Agrosanoatni rivojlantirish agentligining tegishli xulosasi mavjud bo‘lganda moliyalashtiriladi;
kredit loyiha mahsulotning barcha talablariga muvofiq bo‘lganda va tekshiruv natijasi ijobiy bo‘lganda ajratiladi.

Kredit olish uchun asosiy hujjatlar:

Kredit olish uchun ariza.
Mijozning ta’sis va davlat ro‘yxatidan o‘tganligini tasdiqlovchi hujjatlari, shuningdek ularga kiritilgan o‘zgartirishlar.
Oxirgi hisobot davri uchun moliyaviy hisobotlar:
- buxgalteriya balansi;
- moliyaviy natijalar to‘g‘risidagi 2-sonli shakl bo‘yicha hisobot;
- debitorlik va kreditorlik qarzdorligi to‘g‘risidagi ma’lumotlar.
2-sonli shakl bo‘yicha hisobot yuridik shaxs tashkil etmasdan faoliyat yurituvchi tadbirkorlardan talab etilmaydi.
Mijozning bank hisobvaraqlaridagi pul mablag‘lari harakati to‘g‘risida so‘nggi 6 oy uchun ma’lumotlar.
Kredit mablag‘lari hisobidan to‘lanadigan tovarlar, ishlar yoki xizmatlarni yetkazib beruvchilar bilan tuzilgan shartnomalar.
Taklif etilayotgan ta’minot bo‘yicha hujjatlar:
- ko‘chmas mulkka doir hujjatlar;
- yer uchastkasini ijaraga olish shartnomasi va ijara huquqini tasdiqlovchi hujjatlar;
- avtotransport vositasiga doir hujjatlar;
- zarur hollarda mustaqil baholash tashkilotining hisoboti;
- ta’minot turiga qarab sug‘urta polisi yoki kafillikka doir hujjatlar.
Eski bog‘larni yangilash moliyalashtirilganda — Agrosanoatni rivojlantirish agentligining bog‘ni yaroqsiz deb topish va uning o‘rnida intensiv bog‘ barpo etish mumkinligi to‘g‘risidagi xulosasi.
In vitro usulida yetishtirilgan mevali ko‘chatlar import qilinganda — ko‘chatlar sertifikati va import shartnomasi.
Mijoz so‘nggi 6 oy davomida qayta ro‘yxatdan o‘tgan bo‘lsa — Davlat xizmatlari markazidan olingan reestr ma’lumotnomasi.
Mijozning asosiy bank hisobvarag‘i boshqa bankda ochilgan bo‘lsa — 2-sonli kartoteka qarzdorligi mavjud emasligi to‘g‘risidagi ma’lumotnoma.
Yuridik shaxslar uchun — mijozning vakolatli boshqaruv organining kredit olish to‘g‘risidagi qarori.
Kredit shartnomasini imzolovchi shaxsning vakolatlarini tasdiqlovchi hujjatlar.

Ko‘chatlarni import qilishda qo‘shimcha ravishda:

import shartnomasida to‘lov turi 100 foizlik akkreditiv yoki tovar yetkazib berilgandan keyin to‘lash shaklida belgilangan bo‘lishi lozim;
agar oldindan to‘lov nazarda tutilgan bo‘lsa, moliyalashtirish moliyaviy barqaror xorijiy bank kafolati mavjud bo‘lganda amalga oshiriladi.

Izoh:

Kredit arizasini ko‘rib chiqish jarayonida Bank qonunchilik, Bankning Kredit siyosati va kredit mahsuloti shartlariga muvofiq qo‘shimcha hujjatlar hamda ma’lumotlarni talab qilishga haqli.