«Oila va yoshlar tadbirkori» krediti

Kredit maqsadi:

Oilaviy tadbirkorlikni boshlash yoki kengaytirish, daromad topishga qaratilgan faoliyat, chorvachilik, baliqchilik, parrandachilik va hunarmandchilikni rivojlantirish.

Kredit summasi:

50 mln so‘mgacha.

10 sotixli ixcham issiqxona tashkil etish, baliqchilik faoliyatini yo‘lga qo‘yish, chorvachilikka ixtisoslashgan mahallalarda import qilingan va sertifikatlangan naslli chorva mollarini xarid qilish hamda tuyachilik uchun — 100 mln so‘mgacha.

«Davlat ta’minotidagi oila» toifasiga kiritilgan oilalar uchun — BHMning 75 baravarigacha.

Kredit muddati:

48 oygacha — oilaviy tadbirkorlik, daromad topishga qaratilgan faoliyat, chorvachilik, baliqchilik, parrandachilik va hunarmandchilik uchun.

84 oygacha — bog‘dorchilik, uzumchilik, limonchilik, issiqxona tashkil etish, qishloq xo‘jaligi texnikasi va uskunalarini xarid qilish uchun.

Imtiyozli davr:

12 oygacha — tadbirkorlik faoliyati uchun.

36 oygacha — bog‘dorchilik, uzumchilik, limonchilik, issiqxona tashkil etish, qishloq xo‘jaligi texnikasi va uskunalarini xarid qilish uchun.

«Davlat ta’minotidagi oila» toifasidagi oilalar uchun — 12 oygacha.

Foiz stavkasi:

Yillik 17,5%.

Og‘ir toifadagi tuman va mahallalarda — yillik 12%.

Ijtimoiy reyestrga kiritilgan hamda «Davlat ta’minotidagi oila» toifasiga kiritilgan oilalarning belgilangan shartlarga javob beruvchi kreditlari bo‘yicha foiz xarajatlari davlat mablag‘lari hisobidan qoplanadi.

Kreditni rasmiylashtirish:

Kredit oilaviy tadbirkorlik dasturlarining yagona elektron platformasi — Oilakredit.uz orqali rasmiylashtiriladi.

Kredit mablag‘larini ajratish:

Kredit mablag‘lari ta’minotchiga o‘tkazilishi, qarz oluvchining bank kartasiga yoki qonunchilikda belgilangan hollarda naqd pul shaklida ajratilishi mumkin.

Hokim yordamchisining tavsiyasiga ko‘ra kreditning 10 mln so‘mgacha bo‘lgan qismi, hunarmandlar uchun esa 20 mln so‘mgacha bo‘lgan qismi alohida ochilgan bank kartasiga o‘tkazilishi mumkin.

Ijtimoiy reyestrga kiritilgan oilalar uchun:

Bitta noutbuk sotib olish uchun 15 mln so‘mgacha, 60 oygacha muddatga va 24 oygacha imtiyozli davr bilan kredit ajratiladi.

Tadbirkorlik faoliyatini boshlash uchun kichik ishlab chiqarish uskunalari, ko‘chma do‘konlar (food truck), motoroller, skuter va boshqa asosiy vositalarni xarid qilish uchun 30 mln so‘mgacha, 60 oygacha muddatga kredit ajratiladi.

Ushbu kreditlar bo‘yicha foiz xarajatlari davlat mablag‘lari hisobidan qoplanadi. Muddati o‘tgan kreditlar bo‘yicha qo‘shimcha foiz va penyalar hisoblanmaydi. To‘lovlar differensial jadval asosida amalga oshiriladi.

«Davlat ta’minotidagi oila» toifasidagi oilalar uchun:

Oilaviy bandlikni ta’minlash, tadbirkorlikni boshlash yoki kengaytirish, jumladan chorvachilik, parrandachilik, quyonchilik, baliqchilik, asalarichilik, ko‘chma do‘konlar, motoroller, skuter, boshqa asosiy vositalarni xarid qilish yoki issiqxona qurish uchun BHMning 75 baravarigacha, 4 yilgacha muddatga kredit ajratiladi.

Kredit 1 yilgacha imtiyozli davr bilan oila a’zosining ijtimoiy kartasiga o‘tkaziladi. Foiz xarajatlari davlat mablag‘lari hisobidan qoplanadi.