YASHIL MAKON krediti

Kredit maqsadi:

Bog‘dorchilik faoliyatini moliyalashtirish hamda uzumchilik plantatsiyalarini tashkil etish uchun:

• aylanma mablag‘larni to‘ldirish;
• asosiy vositalar sotib olish.

Mijoz segmenti:

Mikro va kichik biznes.

Bitim ishtirokchisi:

Yuridik shaxs tashkil etgan hamda yuridik shaxs maqomiga ega bo‘lmagan dehqon xo‘jaliklari.

Valyuta:

Milliy valyuta — so‘m.

Kredit summasi:

150 000 000 so‘mgacha.

Kredit muddati:

• asosiy vositalar sotib olish uchun — 60 oygacha;
• aylanma mablag‘larni to‘ldirish uchun — 18 oygacha.

Imtiyozli davr:

• asosiy vositalar sotib olish uchun — 12 oygacha;
• aylanma mablag‘larni to‘ldirish uchun — 3 oygacha.

Foiz stavkasi:

24 %dan kam bo‘lmagan miqdorda.

To‘lov usuli:

Bank o‘z mablag‘lari hisobidan ajratilganda — differensial yoki annuitet to‘lov usulida.

Asosiy qarz imtiyozli davrdan so‘ng har oyda, foizlar esa har oyda to‘lanadi.

Kreditni ajratish shakli:

Yopiq kredit liniyasi orqali:

• bank plastik kartasiga o‘tkazish orqali;
• mahsulot yetkazib beruvchi yoki xizmat ko‘rsatuvchi korxona hisob raqamiga pul o‘tkazish orqali.

Mahsulot bo‘yicha ta’minot:

Kredit summasining 125 %dan kam bo‘lmagan miqdorda ta’minot talab etiladi. Aloqador shaxslar uchun ta’minot miqdori 130 %dan kam bo‘lmasligi lozim.

Kredit summasining kamida 70 %i, aloqador shaxslar uchun esa kamida 75 %i miqdorida mulkiy ta’minot taqdim etilgan taqdirda, qolgan qismi kafillik va/yoki kredit qaytarilmaslik xatari sug‘urta polisi bilan ta’minlanishi mumkin.

Qabul qilinadigan mulkiy garov turlari:

• bankda o‘rnatilgan talablar asosidagi ko‘chmas mulklar;
• ishlab chiqarilganiga 3 yildan oshmagan yengil avtotransport vositalari;
• ajratilayotgan kredit valyutasidagi pul mablag‘lari.

Qabul qilinadigan nomulkiy garov turlari:

• kredit qaytarilmaslik xatari sug‘urta polisi;
• yuridik shaxs kafilligi;
• “Biznesni kafolatlash milliy kompaniyasi” AJ kafilligi;
• jismoniy shaxs kafilligi.

Mijozga qo‘yiladigan asosiy talablar:

• qarz oluvchining kredit yuklamasi 100 %dan oshmasligi lozim;
• qarz oluvchi kamida 6 oy davomida faoliyat yuritayotgan bo‘lishi lozim;
• mavjud kredit shartnomalari bo‘yicha barcha banklarda muddati o‘tgan kredit qarzdorligi mavjud bo‘lmasligi lozim;
• 2-sonli kartoteka qarzdorligi mavjud bo‘lmasligi lozim;
• KATM ma’lumotnomasiga asosan mijozning reyting natijasi 200 balldan kam bo‘lmasligi lozim;
• qarz oluvchi korxonaning so‘nggi 6 oy davomida ta’sischilar tarkibi o‘zgarmagan bo‘lishi lozim.

Kreditdan foydalanish uchun taqdim qilinadigan asosiy hujjatlar:

• ariza;
• qarz oluvchi korxona ta’sischilarining kredit olish va kredit ta’minoti sifatida mulkni garovga berish yuzasidan roziligi;
• garov obyekti bo‘yicha mustaqil baholovchi tashkilot hisoboti;
• kartoteka-2 holati to‘g‘risida ma’lumot;
• garov obyekti ko‘chmas mulk bo‘lgan taqdirda kadastr hujjati;
• faoliyatni amalga oshirish bilan bog‘liq tasdiqlovchi hujjatlar;
• loyiha xususiyatidan kelib chiqib qo‘shimcha hujjatlar talab qilinishi mumkin.

Qo‘shimcha shartlar:

• loyiha Bank tarmog‘idan 200 km radiusgacha bo‘lgan hududda amalga oshirilishi lozim;
• biznes menejer kredit hisobiga moliyalashtirilishi rejalashtirilayotgan loyiha manziliga chiqqan holda o‘rganish o‘tkazadi;
• kredit hisobiga ko‘chatlar ekilishi rejalashtirilganda, mavjud ko‘chatlar soni va kredit hisobiga sotib olinayotgan ko‘chatlar soni biznes menejer xulosasida aks ettiriladi;
• kreditning maqsadli ishlatilishi Kredit monitoring va nazorati departamenti mas’ul xodimi tomonidan joyiga chiqqan holda o‘rganiladi;
• bank xodimlari va ularning yaqin qarindoshlari ishtirokidagi yoki rahbarligidagi korxonalarga mazkur mahsulot doirasida kredit ajratilmaydi;
• kredit siyosati talablariga asosan kredit bitimi tuzilishi taqiqlangan va defolt holatidagi mijozlarga kredit mablag‘lari ajratilmaydi;
• mazkur mahsulot orqali moliyalashtiriladigan loyihalar investitsion loyiha sifatida talqin qilinmaydi.