"Yangi Toshkent" ipoteka

Qarz oluvchi (yoki birgalikda qarz oluvchi) O‘zbekiston Respublikasi fuqarosi bo‘lishi va quyidagi talablarga javob berishi lozim:

• murojaat qilingan sanada 18 yoshga to‘lgan va 60 yoshdan oshmagan bo‘lishi;

• kredit to‘lovlarini amalga oshirish uchun yetarli doimiy daromad manbaiga ega bo‘lishi;

• amaldagi kreditlar, mikroqarzlar, lizing va boshqa majburiyatlar bo‘yicha muddati o‘tgan qarzdorlik mavjud bo‘lmasligi;

• mazkur dastur doirasida ipoteka kreditidan birinchi marotaba foydalanayotgan bo‘lishi
  (2024-yil 1-mayga qadar olingan kreditlar hisobga olinmaydi);

• kvartira qiymatining kamida 20% miqdorida boshlang‘ich badal shakllantirgan bo‘lishi.

5 nafargacha birgalikda qarz oluvchilarni jalb qilish mumkin.

Qarz yuki ko‘rsatkichi — tasdiqlangan daromadning 50%idan oshmasligi lozim.

So‘nggi 24 oy uchun kredit tarixi o‘rganiladi.

O‘zini o‘zi band qilgan shaxslar — ro‘yxatdan o‘tganligi to‘g‘risidagi ma’lumotnoma.

Mehnat migrantlari — labor-migration tizimida ro‘yxatdan o‘tganligini tasdiqlovchi hujjat va so‘nggi 6 oy ichidagi pul o‘tkazmalari haqida ma’lumot.

To‘lovga layoqatlilikni baholashda quyidagilar hisobga olinadi:

• so‘nggi 6 oy uchun ish haqi;

• pensiya daromadlari;

• yakka tartibdagi tadbirkor daromadlari;

• o‘zini o‘zi band qilgan shaxs daromadlari;

• bank hisobvaraqlariga tushumlar;

• qonunchilikda taqiqlanmagan boshqa daromadlar.

Daromad soliqlar chegirilgan holda hisobga olinadi.

Mavsumiy ishlovchilar uchun oxirgi 6 oy ichida kamida 3 oy daromad tasdiqlanishi mumkin.

• shaxsni tasdiqlovchi hujjat;

• daromadlari to‘g‘risidagi ma’lumotlar (elektron shaklda olinishi mumkin);

• ulush kiritish shartnomasi (zarur hollarda);

• boshlang‘ich badalni tasdiqlovchi hujjatlar;

• kredit ta’minotiga doir hujjatlar;

• qonunchilikka muvofiq boshqa hujjatlar (zarur hollarda).