Mobil biznes krediti

Mijozga qo‘yiladigan asosiy talablar

1. Faoliyat muddati:
   Mijozning faoliyat yuritish muddatiga talab mavjud emas.

2. Moliyaviy holati:
   Ustav fondi to‘liq shakllantirilgan, moliyaviy natijalar to‘g‘risidagi hisobot zarar bilan yakunlanmagan va o‘z aylanma mablag‘lari ijobiy ko‘rsatkichda bo‘lishi lozim (yuridik shaxs tashkil etmasdan faoliyat yurituvchi tadbirkorlik subyektlari hamda qonunchilikda belgilangan holatlar bundan mustasno).

3. Kredit yuklamasi:
   Qarz yuki ko‘rsatkichiga alohida talab mavjud emas.

4. Kredit tarixi:
   • barcha banklar va kredit tashkilotlarida muddati o‘tgan kredit qarzdorligi mavjud bo‘lmasligi;
   • KATM ma’lumotlariga ko‘ra, amaldagi kreditlari orasida «qoniqarsiz», «shubhali» va «umidsiz» toifalarga ajratilgan kreditlar mavjud bo‘lmasligi (o‘zaro aloqador korxonalarning SQB tizimidagi kreditlari ham hisobga olinadi);
   • KATM reytingi kamida 200 ball bo‘lishi;
   • so‘nggi 60 oy ichida balansdan tashqari hisobvaraqlarga o‘tkazilgan kredit qarzdorligi mavjud bo‘lmasligi;
   • sud jarayonida ko‘rib chiqilayotgan kredit qarzdorligi mavjud bo‘lmasligi.

5. Qarzdorliklar:
   2-sonli kartotekada qarzdorlik mavjud bo‘lmasligi, shuningdek, Majburiy ijro byurosi tomonidan qo‘zg‘atilgan ijro ishlari bo‘yicha muddati o‘tgan majburiyatlar mavjud bo‘lmasligi lozim (mahsulot pasportida belgilangan istisnolar bundan mustasno).

6. Ta’sischilar tarkibi:
   So‘nggi 6 oy davomida qarz oluvchi korxonaning ta’sischilar tarkibi o‘zgarmagan bo‘lishi lozim. Avvalgi ta’sischilar tarkibi saqlangan holda yangi ta’sischilar qo‘shilishi yoki yaqin qarindoshlar o‘rtasidagi o‘zgarishlar bundan mustasno.

7. Qo‘shimcha talablar:
   • SQB tizimidagi amaldagi kreditlar bo‘yicha mablag‘lardan maqsadsiz foydalanish holatlari mavjud bo‘lmasligi;
   • amaldagi kreditlar bo‘yicha Bankning kollegial organlari belgilagan shartlarga rioya etilgan bo‘lishi (pasportda nazarda tutilgan istisnolar bilan);
   • Bankning kredit siyosatida belgilangan talablarga muvofiq bo‘lishi.

8. Yangi ish o‘rinlarini yaratish:
   Har 50 mln so‘m ekvivalentidagi kredit mablag‘lari hisobiga kamida 1 nafar ishsiz fuqaro ish bilan ta’minlanishi lozim. To‘liq bo‘lmagan 50 mln so‘mlik qism yuqoriga yaxlitlanadi. Ish o‘rinlari kredit ajratilgan kundan boshlab 1 oy ichida yaratilishi shart.

9. Qaror qabul qilish:
   Kredit yoki lizing ajratish bo‘yicha qaror Bank tomonidan mijozning mahsulot shartlariga muvofiqligi, kredit tarixi, taqdim etilgan hujjatlar va ta’minot tekshirilgandan so‘ng qabul qilinadi.

Kerakli hujjatlar

1. Kredit yoki lizing olish uchun ariza.

2. Qarz oluvchi korxona ta’sischilarining kredit olish va korxonaga tegishli mulkni garovga berish bo‘yicha belgilangan tartibda rasmiylashtirilgan roziligi (xususiy korxonalar va yuridik shaxs tashkil etmasdan faoliyat yurituvchi tadbirkorlar bundan mustasno).

3. Yakka tartibdagi tadbirkorning davlat ro‘yxatidan o‘tganligi to‘g‘risidagi guvohnomasi va pasport nusxasi (YTT uchun).

4. Xarid qilinayotgan obyekt bo‘yicha oldi-sotdi shartnomasi.

5. Asosiy hisobvaraq boshqa bankda ochilgan bo‘lsa, 2-sonli kartoteka holati to‘g‘risidagi ma’lumotnoma.

6. Garovga ko‘chmas mulk taqdim etilganda — kadastr hujjatlari (ko‘chirma va kadastr pasporti), yer uchastkasi ijara asosida foydalanilayotgan bo‘lsa, ijara shartnomasi.

7. Garovga avtotransport vositasi yoki maxsus texnika taqdim etilganda — ularning davlat ro‘yxatidan o‘tganligi to‘g‘risidagi guvohnoma.

8. Uchinchi shaxs mulki garovga qo‘yilganda — mulkni garovga berish va undiruvni suddan tashqari tartibda qaratishga rozilik.

9. Uchinchi yuridik shaxs garovga qo‘yuvchi bo‘lsa — uning ta’sis hujjatlari hamda tegishli shaxslarning pasport nusxalari (boshqa bankda xizmat ko‘rsatilgan hollarda).

10. Faoliyat yuritiladigan joyga oid hujjatlar (kadastr hujjatlari, ijara shartnomasi, elektron auksion dalolatnomasi, hokim qarori va boshqalar) — mavjud bo‘lsa, ixtiyoriy ravishda.

11. So‘nggi 6 oy davomida qayta ro‘yxatdan o‘tish holati mavjud bo‘lsa, Davlat xizmatlari markazidan reyestr va o‘zgarishlar to‘g‘risidagi ma’lumotnomalar.

12. Oxirgi hisobot davri uchun buxgalteriya balansi (1-shakl) va moliyaviy natijalar to‘g‘risidagi hisobot (2-shakl) — mahsulot pasportida belgilangan hollarda.

Yuridik shaxs kafilligi taqdim etilganda qo‘shimcha hujjatlar:

• Kafil korxona ta’sischilarining kafillik berish bo‘yicha roziligi.

• Kafil korxonaning ta’sis hujjatlari (boshqa bankda xizmat ko‘rsatilgan hollarda).

• Kafil korxona direktori va bosh buxgalterining (mavjud bo‘lsa) pasport nusxalari (boshqa bankda xizmat ko‘rsatilgan hollarda).

• Kafil korxonaning boshqa banklardagi hisobvaraqlari bo‘yicha aylanmalar to‘g‘risidagi ma’lumotlar hamda 2-sonli kartoteka qarzdorligi to‘g‘risidagi ma’lumotnoma.

Loyiha xususiyatidan kelib chiqib, Bank tomonidan qo‘shimcha hujjatlar talab qilinishi mumkin.