TEZKOR + krediti

Kredit yuklamasi

Yuridik shaxs tashkil etmasdan faoliyat yurituvchi tadbirkorlar uchun:

• KATM bali 200–249 bo‘lsa — kredit yuklamasi 50%dan oshmasligi;
• KATM bali 250 va undan yuqori bo‘lsa — 60%dan oshmasligi.

Yuridik shaxslar uchun:

• KATM bali 200–249 bo‘lsa — kredit yuklamasi 50%dan oshmasligi;
• KATM bali 250–299 bo‘lsa — 60%dan oshmasligi;
• KATM bali 300 va undan yuqori bo‘lsa — 70%dan oshmasligi.

Agar kredit yuklamasi belgilangan me’yordan yuqori bo‘lsa, qo‘shimcha ta’minot sifatida yuridik shaxs kafilligi qabul qilinishi mumkin.

Kafil korxonaga qo‘yiladigan talablar

• kamida 12 oy faoliyat yuritgan bo‘lishi;
• faqat bitta kafil korxona taqdim etilishi;
• 2-sonli kartoteka va MIB bo‘yicha qarzdorligi bo‘lmasligi;
• banklar va boshqa kredit tashkilotlarida muddati o‘tgan kredit qarzdorligi bo‘lmasligi;
• kafilning kredit yuklamasi qarz oluvchi uchun belgilangan me’yordan oshmasligi;
• qarz oluvchi va kafilning umumiy kredit yuklamasi belgilangan me’yordan oshmasligi;
• kafillik miqdori so‘ralayotgan kredit summasining kamida 125%ini tashkil etishi.

Faoliyat yuritish muddati

Kredit miqdoriga qarab mijoz quyidagi muddat davomida faoliyat yuritgan bo‘lishi kerak:

• 50 ming AQSH dollari ekvivalentigacha — kamida 6 oy;
• 50 mingdan 200 ming AQSH dollari ekvivalentigacha — kamida 12 oy;
• 200 mingdan 500 ming AQSH dollari ekvivalentigacha — kamida 24 oy.

Hisobvaraqlar va qarzdorliklar

• mijozning hisobvarag‘iga so‘nggi 6 oyning har birida faoliyat bilan bog‘liq tushumlar kelib tushgan bo‘lishi;
• 2-sonli kartoteka bo‘yicha qarzdorlik mavjud bo‘lmasligi;
• boshqa bank bergan 2-sonli kartoteka ma’lumotnomasi taqdim etilgan kundan boshlab 30 kun amal qilishi;
• MIB bo‘yicha qarzdorlik mavjud bo‘lmasligi;
• barcha banklardagi amaldagi kreditlar bo‘yicha muddati o‘tgan qarzdorlik bo‘lmasligi;
• aloqador korxonalarning SQB tizimida muddati o‘tgan kredit qarzdorligi bo‘lmasligi;
• mijoz yoki aloqador korxonalarning «qoniqarsiz», «shubhali» yoki «umidsiz» toifaga kiritilgan amaldagi kreditlari bo‘lmasligi.

Kredit tarixi

So‘nggi 60 oy davomida:

• 31–60 kunlik kechikishlar — 10 tadan oshmasligi;
• 61–90 kunlik kechikishlar — 3 tadan oshmasligi;
• 90 kundan ortiq kechikishlar bo‘lmasligi;
• sud jarayonidagi kredit qarzdorliklari bo‘lmasligi;
• balansdan tashqari hisobvaraqlarga o‘tkazilgan yoki hisobdan chiqarilgan kredit qarzdorliklari bo‘lmasligi.

Kreditdan maqsadli foydalanish

Mijozning SQBdagi amaldagi kreditlari bo‘yicha mablag‘lardan maqsadsiz foydalanish holatlari bo‘lmasligi kerak. Bu holat kredit monitoringi natijalari asosida tekshiriladi.

Tekshiruv muddati hali kelmagan, yetkazib beruvchi o‘z majburiyatini bajarmagani sababli sudga murojaat qilingan yoki maqsadli foydalanishni alohida tekshirish talab etilmaydigan kreditlar bundan mustasno.

Kredit mahsulotidan foydalanish uchun quyidagi hujjatlar taqdim etiladi:

• Qarz oluvchi korxona ta’sischilarining kredit olishga va korxona mulkini kredit ta’minoti sifatida garovga berishga roziligi.
• Garov obyekti bo‘yicha mustaqil baholovchi tashkilotning hisoboti.
• Asosiy hisobvaraq boshqa bankda ochilgan bo‘lsa, 2-sonli kartoteka holati to‘g‘risidagi ma’lumotnoma.
• Faoliyat joyidan foydalanish huquqini tasdiqlovchi hujjatlar: kadastr hujjati, ijara shartnomasi, elektron auksion bayonnomasi, hokim qarori yoki boshqa asoslovchi hujjatlar.
• Korxona so‘nggi 6 oy davomida qayta ro‘yxatdan o‘tgan bo‘lsa, Davlat xizmatlari markazidan reestr va o‘zgarishlar to‘g‘risidagi ma’lumotnomalar.
• Loyiha xususiyatidan kelib chiqib qo‘shimcha hujjatlar talab qilinishi mumkin.

Ko‘chmas mulk garovga qo‘yilganda:

• kadastr pasporti va ko‘chmas mulk reestridan ko‘chirma;
• yer uchastkasidan ijara asosida foydalanilsa, amaldagi ijara shartnomasi;
• garov mulkining qiymati bo‘yicha mustaqil baholovchi tashkilot hisoboti.

Avtotransport vositasi garovga qo‘yilganda:

• transport vositasi ro‘yxatdan o‘tkazilganligi to‘g‘risidagi guvohnoma;
• transport vositasining qiymati bo‘yicha mustaqil baholovchi tashkilot hisoboti.

Uchinchi shaxs mulki garovga qo‘yilganda:

• mulkni garovga berishga va undiruvni suddan tashqari tartibda garov mulkiga qaratishga ta’sischilarning roziligi;
• garovga qo‘yuvchi korxonaning ta’sis hujjatlari, agar unga boshqa bank xizmat ko‘rsatsa;
• uchinchi shaxs jismoniy shaxs bo‘lsa, uning pasport nusxasi;
• uchinchi shaxs yuridik shaxs bo‘lsa, korxona direktori va bosh buxgalterining pasport nusxalari.

Kafillik taqdim etilganda:

• kafil korxona ta’sischilarining kafillik berishga roziligi;
• kafil korxonaning ta’sis hujjatlari, agar unga boshqa bank xizmat ko‘rsatsa;
• kafil korxona direktori va bosh buxgalterining pasport nusxalari;
• boshqa banklardagi hisobvaraqlar aylanmasi bo‘yicha tasdiqlangan ma’lumotnoma va yoyilma;
• 2-sonli kartoteka bo‘yicha qarzdorlik to‘g‘risidagi ma’lumot.

Loyiha xususiyatidan kelib chiqib boshqa hujjatlar ham so‘ralishi mumkin.