“O‘zsanoatqurilishbank” ATBning rasmiy munosabati

30.08.2025 09:28

Joriy yil 29-avgust kuni ijtimoiy tarmoqlarda “O‘zsanoatqurilishbank” ATBning Andijon viloyatidagi “Bunyodkor” bank xizmatlari ofisi (BXM) faoliyati haqida tarqatilgan ma’lumotlar yuzasidan quyidagilarni ma’lum qilamiz:

2023 yil 18 mayda bankning “Bunyodkor” BXO tomonidan N.O‘ (ism sharifi o‘zgartirilgan) bilan 49,3 mln so‘m miqdoridagi kredit shartnomasi tuzilgan. Qo‘shimcha kafillik sifatida I.O‘ (ism sharifi o‘zgartirilgan) ishtirok etgan.

Shartnomalar qarz oluvchi va kafil tomonidan shaxsan imzolangan bo‘lib, bunga oid fotoma’lumotlar mavjud.

Mijoz N.O‘ 2025 yilning 11 fevraliga qadar kredit to‘lovlarini o‘z vaqtida amalga oshirgan. Keyingi kechikishlar sabab sudga murojaat qilingan va sud qarori bank foydasiga chiqarilgan. Kredit hujjatlari nusxalari faqat qarz oluvchiga shaxsan beriladi.

Yuqoridagi murojaatda keltirilgan “bank xodimlari yoki boshqa shaxslar mablag‘ni o‘zlashtirgan” degan iddaolar asossiz bo‘lib, bunday ma’lumot tarqatish qonun oldida javobgarlikka sabab bo‘lishini ma’lum qilamiz.

“O‘zsanoatqurilishbank” ATB tashqi aloqalarni muvofiqlashtirish xizmati

Boshqa yangiliklar