SQB: Korrupsiyaga qarshi kurashda amaliy bilim va yondashuvlar mustahkamlanmoqda

05.05.2025 09:18


Korrupsiyaga qarshi kurashish davlat siyosatining muhim yoʻnalishlaridan biri hisoblanadi. Shu bois SQBning Korrupsiyaga qarshi kurashish xizmati tomonidan bank tarkibiy boʻlinmalari va hududiy tarmoqlari xodimlari uchun oʻquv-trening mashgʻulotlari oʻtkazib kelinmoqda.

Navbatdagi trening Green banking departamenti va Birinchi boʻlim xodimlari ishtirokida tashkil etildi. Unda korrupsion xavflarni aniqlash va ularning oldini olish, shuningdek, masʼuliyatli xizmat yuritish boʻyicha xalqaro tajriba asosida tayyorlangan nazariy va amaliy materiallar ishtirokchilar eʼtiboriga havola qilindi.

Bundan tashqari, manfaatlar toʻqnashuvi, xodim va mijoz oʻrtasidagi sovgʻa almashish bilan bogʻliq cheklovlar, axloqiy tamoyillar hamda bank ichki siyosatiga oid asosiy talablar haqida atroflicha tushuntirishlar berildi.

Tadbir yakunida mavzu yuzasidan xodimlarning bilim darajasini baholash maqsadida test sinovi oʻtkazilib, oʻzlashtirish koʻrsatkichlari tahlil qilindi. Bu esa olingan bilimlarni mustahkamlash va kelgusidagi malaka oshirish jarayonlarini takomillashtirishda muhim ahamiyat kasb etadi. 

Bank Axborot xizmati

Boshqa yangiliklar