Yoshlar muammolariga yechim – amaliy muloqotlar natijasi

26.03.2026 09:15


Oʻzsanoatqurilishbank tomonidan yoshlar bilan ishlash, ularning tashabbus va gʻoyalarini qoʻllab-quvvatlash, bandligini taʼminlash va tadbirkorlikka jalb qilish boʻyicha ishlar izchil davom ettirilmoqda.

Shu maqsadda bankning Qashqadaryo, Jizzax va Fargʻona viloyatlaridagi hududiy tarmoqlari rahbarlari tomonidan ham yoshlar bilan uchrashuvlar oʻtkazildi.

Taʼkidlash joiz, mazkur tadbirlar Prezidentimizning joriy yil 24-fevralda yoshlar bilan oʻtkazgan ochiq muloqotida belgilab berilgan ustuvor vazifalar ijrosi doirasida tashkil etilmoqda. Unda yoshlarni har tomonlama qoʻllab-quvvatlash, bandligini taʼminlash, tadbirkorlik tashabbuslarini ragʻbatlantirish va muammolarini joyida hal etish masalalariga alohida eʼtibor qaratilgan.

Uchrashuvlar davomida ishsiz yoshlarni kasb-hunarga oʻqitish, ishga joylashtirish, tadbirkorlik faoliyatini yoʻlga qoʻyish, jumladan, bankning “Yoshlar biznesda” kredit mahsuloti imkoniyatlari boʻyicha atroflicha tushuntirishlar berildi. 

Yoshlar tomonidan bildirilgan murojaat va takliflar asosida ularni tadbirkorlikka yoʻnaltirish, oʻzini oʻzi band qilish va doimiy daromad manbaini shakllantirish boʻyicha aniq chora-tadbirlar belgilandi.

Bunday uchrashuvlar yoshlarning hayotiy muammolarini hal etish, ularni tadbirkorlik va mehnat faoliyatiga keng jalb qilish hamda kelgusida mustaqil faoliyat yuritishi uchun mustahkam zamin yaratmoqda.

Boshqa yangiliklar