Kredit karta
100 mln so‘mgacha va 55 kungacha foizsiz

“O‘zsanoatqurilishbank”ning kredit kartasi — tovar va xizmatlar uchun to‘lovlar, kundalik xaridlar hamda sayohatlar uchun qulay moliyaviy vosita.

Mijoz segmentiga qarab kredit limiti Visa, Mastercard yoki Visa Infinite kartalari orqali taqdim etiladi.

Xaridlar bo‘yicha qarzdorlik kelgusi oyning 25-sanasigacha to‘liq qoplansa, foiz hisoblanmaydi.

Karta Toshkent shahar hududiy bo‘limidan yoki eng yaqin Bank xizmatlari markazi kassasidan olinadi. Pasport yoki haydovchilik guvohnomasi yetarli.

Kredit karta asosan naqd pulsiz to‘lovlar uchun mo‘ljallangan.

Shuningdek, quyidagi operatsiyalar ham mumkin:

• naqd pul yechish
• kartaga yoki hisobvaraqga pul o‘tkazish

Kredit limiti hisobidan amalga oshirilganda:

• komissiya — 1,9%
• foizlar operatsiya kunidan boshlab hisoblanadi
• foizsiz davr amal qilmaydi
• qo‘shimcha xizmat ko‘rsatuvchi bank komissiyasi bo‘lishi mumkin

Shaxsiy mablag‘lar bo‘yicha operatsiyalar amaldagi tariflarga muvofiq amalga oshiriladi.

• xaridlar bo‘yicha qarzdorlik keyingi oyning 25-sanasigacha to‘liq qoplansa, foiz olinmaydi
• boshqa hollarda yillik 26,9% stavka qo‘llanadi

Har oy minimal to‘lovni o‘z vaqtida amalga oshirish zarur.

Oy boshida mijozga minimal to‘lov va umumiy qarzdorlik bo‘yicha SMS-xabarnoma yuboriladi.

Maslahat: xaridlarni oy boshida amalga oshirish foizsiz davrni uzaytiradi.

• qarzdorlikning 10% miqdorida
• kamida 100 000 so‘m
• qarzdorlik summasidan ortiq bo‘lishi mumkin emas

Minimal to‘lov har oy hisoblanadi va oyning 25-sanasigacha to‘lanadi.

Kredit majburiyatlari bajarilishini ta’minlash maqsadida kredit qaytmasligi xavfini sug‘urtalash polisi rasmiylashtiriladi.

Sug‘urta summasi kredit limiti miqdorining 130%ini tashkil etadi.

Sug‘urta mukofoti quyidagi manbalar hisobidan to‘lanishi mumkin:

• mijoz mablag‘lari hisobidan;
• kredit limiti mablag‘lari hisobidan;
• bank mablag‘lari hisobidan.

Kartaga tushgan mablag‘lar qarzni quyidagi ketma-ketlikda qoplaydi:

1. jarima foizlar
2. muddati o‘tgan foizlar
3. muddati o‘tgan minimal to‘lov
4. avvalgi oy foizlari
5. joriy minimal to‘lov
6. avvalgi oy naqdga tenglashtirilgan operatsiyalar qarzi
7. avvalgi oy xaridlar qarzi
8. joriy oy foizlari
9. joriy oy naqdga tenglashtirilgan operatsiyalar qarzi
10. joriy oy xaridlar qarzi

Qarzni SQB Mobile orqali boshqa kartadan to‘ldirish yoki bank kassalarida naqd pul topshirish orqali so‘ndirish mumkin.

Agar oy davomida xarajat bo‘lmasa, qarzdorlik shakllanmaydi.

Kredit ta’minoti sifatida bank bilan bosh kelishuvga ega sug‘urta kompaniyalari tomonidan kredit qaytmaslik xatari (14-klass) bo‘yicha sug‘urta polisi onlayn rasmiylashtiriladi.

Sug‘urta mukofoti mijoz tomonidan SQB Mobile ilovasiga ulangan Uzcard yoki Humo bank kartasi orqali to‘lanadi.

Hozirda loyiha doirasida “SQB Insurance” SK AJ bilan bosh kelishuv mavjud bo‘lib, sug‘urta xizmati kredit limitining 3,9% miqdoridagi sug‘urta mukofoti asosida taqdim etiladi.

Kelgusida loyihaga boshqa moliyaviy barqaror sug‘urta kompaniyalari va kafillik xizmatlarini qo‘shish rejalashtirilgan.

• O‘zbekiston Respublikasi fuqarosi bo‘lishi
• ariza berilgan kunda 18 yoshga to‘lgan bo‘lishi, kredit to‘liq so‘ndiriladigan vaqtda 70 yoshdan oshmagan bo‘lishi
• rasmiy daromadga ega bo‘lishi (pensiya, jamg‘arib boriladigan badallar, soliqlar bo‘yicha ma’lumotlar)
• daromadlar kamida uzluksiz 6 oy davomida tasdiqlangan bo‘lishi
• hujjatlar talab qilinmaydi — karta masofadan rasmiylashtiriladi
• kredit tarixi tekshiriladi. 90 kundan ortiq kechikish bir martadan ko‘p bo‘lsa, kredit ajratilmaydi

Birgalikda qarz oluvchi ko‘zda tutilmagan.