1-apreldan ayrim turdagi to‘lovlar faqat naqdsiz shaklda amalga oshiriladi

Hurmatli mijozlar!

Ma’lum qilamizki, 2026-yil 1-apreldan boshlab O‘zbekiston Respublikasida ayrim turdagi operatsiyalar bo‘yicha to‘lovlarni faqat naqdsiz shaklda — bank kartalari va elektron to‘lov tizimlari orqali amalga oshirish tartibi joriy etilmoqda.

Mazkur tartib, jumladan, ko‘chmas mulk va avtotransport vositalari oldi-sotdisi bilan bog‘liq ayrim hisob-kitoblarga ham tatbiq etiladi.

Shu munosabat bilan “O‘zsanoatqurilishbank” ATBda bunday operatsiyalarni amalga oshirish uchun zarur sharoitlar yaratildi. Xususan, bankda eskrou hisobvarag‘ini ochish mexanizmi joriy etildi.

Bu mijozlar uchun nimani anglatadi?
Bitim amalga oshirilayotganda xaridorning pul mablag‘lari avval bankdagi maxsus eskrou hisobvarag‘iga joylashtiriladi. Shartnoma notarial tasdiqlangandan so‘ng mablag‘lar sotuvchiga o‘tkazib beriladi. Agar bitim amalga oshmasa, pul mablag‘lari xaridorga qaytariladi.

Bunday tartib quyidagilarni ta’minlashga xizmat qiladi:
— hisob-kitoblar xavfsizligini;
— bitimning shaffof amalga oshirilishini;
— xaridor va sotuvchi manfaatlarining qo‘shimcha himoyasini.

Mazkur operatsiyalarni amalga oshirish uchun bank tomonidan ichki jarayonlarni sozlash va notarial organlar bilan hamkorlikni yo‘lga qo‘yish bo‘yicha zarur tashkiliy hamda texnik ishlar ham amalga oshirildi.

Batafsil ma’lumotni +998 71 200 43 43 va 1180 telefon raqamlari orqali olishingiz mumkin.

Orqaga qaytish

403

Boshqa yangiliklar