Zararli fayllar tarqatilayotgani haqida ogohlantirish

Hurmatli mijozlar!

So‘nggi kunlarda firibgarlar tomonidan davlat organlari va boshqa ishonchli tashkilotlar nomidan yuridik shaxslarning elektron pochta manzillari hamda ijtimoiy tarmoqlar orqali fishing xabarlari va zararli fayllar tarqatilayotgani kuzatilmoqda.

Bunday fayllar yuklab olinib ishga tushirilganda, kompyuterga zararli dastur o‘rnatilishi va firibgarlarga qurilmani masofadan boshqarish imkoniyati yaratilishi mumkin. Natijada ular mijoz nomidan «Bank-mijoz» dasturi orqali noqonuniy to‘lov hujjatlarini rasmiylashtirish hamda bank operatsiyalarini amalga oshirishga urinishlari mumkin.

Quyidagi xodimlarga alohida ehtiyotkor bo‘lish tavsiya etiladi:

• tashkilot rahbarlari;
• bosh buxgalterlar;
• moliya bo‘limi xodimlari;
• bank hisobvaraqlaridan foydalanuvchi xodimlar;
• elektron raqamli imzo bilan ishlovchi xodimlar.

Xavfsizlik bo‘yicha tavsiyalar:

• shubhali elektron xatlar, havolalar va biriktirilgan fayllarni ochmang;
• xabar yuboruvchining elektron pochta manzili va havolalarning haqiqiyligini tekshiring;
• faqat litsenziyalangan antivirus dasturlaridan foydalaning va ularning virus bazalarini muntazam yangilab boring;
• kompyuteringiz zararlangan deb gumon qilsangiz, undan bank operatsiyalarini amalga oshirmang, muhim ma’lumotlarning zaxira nusxasini saqlang va IT mutaxassisiga murojaat qiling;
• ERI kaliti yoki kompyuteringiz xavfsizligi buzilganidan shubhalansangiz, zudlik bilan Bankning 1180 qisqa raqamiga qo‘ng‘iroq qiling yoki xizmat ko‘rsatuvchi bank ofisiga murojaat qiling.

Eslatma: Bank xodimlari elektron pochta, telefon qo‘ng‘irog‘i yoki messenjerlar orqali ERI kaliti, parol, SMS-kod yoki tasdiqlash kodlarini hech qachon so‘ramaydi. Bunday ma’lumotlarni hech kimga bermang.

Orqaga qaytish

114

Boshqa yangiliklar